Gita Govinda 27
Śaśilekhā 27
- Language
- Sanskrit
27.2
'praṇayaḥ premṇi viśvāse yā strīyāmapīti'|
śaśilekhā śivapakṣe'pyevam¹| uttāpaśaṅkāṣvātaṅka² iti| vidheyo vacanagrāhīti|
27.3
śaśilekhā caṇḍi! = caṇḍike!| anyatsamam| 'caṇḍī kātyāyanī hiṃstrā kopena strīṣu sammateti'⁴|
27.4
śaśilekhā
yuvajanasya = mama, yūnāṃ = asmākam, adharasīdhusudhāsiddhamantralābhāvaśyambhāva-neścayāt¹, gauravasūcanāya bahuvacanam| anyatasamam²| athavā³ eḥ = kāmasya, urajanamohaḥ, oḥ = śivasya, mama yadbhañjanaṃ = gatiḥ, tatra yo mohaḥ, tatra kālasarpī īṃ uṃ nayati, sāyun, ī ū na ūṃ nā yataḥ sārā, tat sambodhanaṃ āmiti smaraṇe|
27.5
śaśilekhā śivapakṣe'pi samam²|
27.6
caṇḍi ! = caṇḍike !, prāyeti, prāyaḥ mṛto'pi = anaṅgo'pi¹, puṣpāyudhaḥ| mukheti, prādhānyena nirdeśaḥ, tadavayavaikadeśakaṭākṣasevanetyartha²| 'dhanuḥ pauṣpaṃ maurvyā' ityānandalaharī-padyārthamanuvadatī vedam |
dṛśau tava madālase vadanamindumatyunnataṃ gatirjanamanoramā vidhūtarambhamūrudvayam| ratistava kalāvatī ruciracitralekhe bhruvāvaho! vibudhayauvataṃ vahasi tanvi! pṛthvīgatā³|
śaśilekhā
pṛthuṃ īṃ = śobhām, gateti| anyat tadvat|
27.8
hariḥ = śivaḥ| rādhā = gaurī| kuvalayāpīḍaḥ= bhūmaṇḍalapīḍakaḥ¹ gajāsuraḥ| uttarārddhe ²dvipapadopādānāt patre gajāsure, hasyākāratvāt patratvam|
'patre vāhane nandivṛṣe'|
adbhutagajāsurākāradarśanena bibhyati, tataḥ śīlanam = ayaṃ rādhākuco na bhavatītyavadhāraṇam | tato gajakṣepaḥ, bālakeśe jaṭārūpe, kaṃ = jalam, śiraḥ = kapālam vā yasya, tena ³kapālinā gaṅgādhareṇa vijitamiti| kaṃ = sukham, tena saṃśanti = samyak kathayanti| vijitamiti, tāre ruḥ| kaṃsaṃ = gajāsuramiti| anyat pūrvavat|
caturacaturbhuja iti, catvāraḥ pumarthāḥ vedāḥ, brahmā-viṣṇu-rudro'tha vā ga = bhujā iva yasya caturastān bhunakti = paripālayati vā caturbhujaḥ = sadāśivaḥ||1 0||
Linked texts (1)
- Gītagovinda — Jayadeva, Sanskrit