Gita Govinda 28
Rasikapriyā 28
- Language
- Sanskrit
28.2
idānīṃ sargānte sarvavighnopaśamanārthaṃ govindaṃ praṇamatisāndreti | śrīgovindapadāravindaṃ vandāmahe namaskurmahe | kimartham | aśubhaskandāya aśubhanāśāya | kiṃviśiṣṭam | svacchandaṃ yathā syāttathā makarandasundarā makarandasadṛśī galantī yā mandākinī gaṅgā tayā sāndraṃ snigdham | aravinde hi makarando bhavati | tena mandākinī upamīyate ityupamālaṃkāraḥ | punaḥ kiṃbhūtam | sāndrānandā nibiḍaharṣā ye purandarādidiviṣadasteṣāṃ vṛndaiḥ mukuṭendranīlamaṇibhiḥ saṃdarśitā indindirā madhuprā yatra tattathā | atra caraṇayoḥ kamalopamā | mandākinyāḥ makarandopamā
28.3
takāriṇi viparītakṛtapratikaraṇaśīle, yattava śrīkhaṇḍacarcā candanānulepo viṣamiva bhavati | yacca śītāṃśuścandraḥ tapana iva bhavati | yacca himaṃ nīhāro hutavaha iva bhavati | yacca krīḍāmudaḥ kelipramodāstīvravedanā iva bhavanti | etadyuktam | viparītaṃ ya ācarati tasya sarvaṃ viparītameva bhavati | tadeva viparītamācaraṇaṃ darśayati | yattasminnapi tādṛśapriyakāriṇyapi harau snigdhe sasnehe rūkṣāsi | sasnehe sneharāhityaṃ vaiparītyam | yacca praṇamati natiśīle priye stabdhāsi | praṇamatyapravaṇatvaṃ vaiparītyam | yacca rāgavati pradveṣiṣyasi | atrāpi tādṛgeva vaiparītyam | yacca saṃmukhe priye vaimukhyaṃ yātāsi | saṃmukhe vimukhabhāvo vaiparītyam || atra śārdūlavikrīḍitaṃ vṛttam | virodhāsublaṅkāraḥ |
suravṛndamaulīndranīlamaṇīnāṃ bhṛṅgopamā | evaṃ caraṇasaroje makarandajuṣo namatsuramaulinīlamaṇivyājena bhṛṅgā iva | kiṃviśiṣṭairdviviṣadvṛndaiḥ | amandādarātpracurādaravaśataḥ | ānamraiḥ sāṣṭāṅgapraṇipātapravaṇaiḥ | śārdūlam |
ekaṃ kṛtvā hṛdīśaṃ dvitayamatha naye sāramāsādya tisraḥ samyagyogaṃ caturṇāṃ nipuṇataraṃdhiyā pañca jitvā viditvā | ṣaṭkaṃ hitvātha saptāṣṭakulagiribalo gītagovindasarge sūktyā kṛtvā nisargojjvalabhiva navamaṃ kumbhakarṇo jayānnāt (?) || iti śrīkṛṣṇakarṇaviracitāyāṃ gītagovindaṭīkāyāṃ rasikapriyāyāṃ kalahāntaritāvarṇane mugdhamukundo nāma navamaḥ sargaḥ ||
Linked texts (1)
- Gītagovinda — Jayadeva, Sanskrit