Gita Govinda 7
Rasikapriyā 7
- Language
- Sanskrit
7.1
idānīṃ kāmajvarasaṃtasahṛdayā rādhā sakhyāṃ dūtītvamāropya kṛṣṇena sahānusandhānamabhilaṣantī āha | varṇayatittālena—nibhṛteti | pūrvaṃ dhruva-
7.6
gaṇayatīti | he sakhi, mama cittamadyāpi punarapi kṛṣṇe kāmaṃ karoti | tarhi vada kiṃ karomi | kiviśiṣṭe | yuvatiṣu gopīṣu valattṛṣṇe | valantī saṃbhajamānā tṛṣṇā spṛhā yasya tasmin | apica māṃ vinā vihāriṇyapi krīḍāśīle'pi | atra apiśabdaḥ punaryojyate | kiṃviśiṣṭaṃ cetaḥ | vāmaṃ mayi viparītacaritam | viparītatve hetumāha | yataḥ kṛṣṇasya sāparādhasyāpi guṇasamūhaṃ gaṇayati | kṛtānapyaparādhāṃstyaktvā | apica bhramādapi bhrāntiṃ prāpyāpi kopaṃ nehate na ceṣṭate | punarasaṃtoṣakāle paritoṣaṃ vahati | apica santamapi doṣaṃ dūrato vimuñcati | nīrāgajane sānurāgam | ata eva vāmam | iyamutkaṇṭhitā nāyikā | tallakṣaṇam—'uddāmamanmathamahājvaravepamānāṃ romāñcakaṇṭakitamaṅkamāvahantīm | saṃvedavepathughanotkalikākulāṅgīmutkaṇṭhitāṃ vadati tāṃ bharataḥ kavīndraḥ' || 'utkā bhavati sā yasyā vāsakenāgataḥ priyaḥ | tasyānāgamane hetuṃ cintayantyākulā yathā' || atra hariṇīvṛttam | yamakaṃ śabdālaṃkāraḥ | saṃśayadīpakāvardhālaṃkārau | kriyocityaṃ ca |
Linked texts (1)
- Gītagovinda — Jayadeva, Sanskrit