Gita Govinda 18
Rasamañjarī 18
- Language
- Sanskrit
18.1
prasaratīti | śaśadharabimbe candrabimbe prasarati sati | mādhave kṛṣṇe vihitavilambe kṛtakālakṣepe sati | vidhurā duḥkhitā rādhoccaiḥ paritāpaṃ cakāra | kathaṃ yathā syāt | viracito vividho nānāvidho vilāpo yatraivaṃ yathā syāt | pūrve tadā gamanaśaṅkāpyāsīt | candra udite'bhisāriṇāṃ kutra saṃcāra iti tadāgamanaṃ prati
18.2
atrāntara iti | atrāntare'sminnavasare | induścandro'śujālaiḥ kiraṇasamūhairvṛndāvanāntaraṃ vṛndāvanamadhyamadīpayatprakāśitavān | dikpūrvā diksaiva sundarī kāminī tasyā vadanasya mukhasya candanabindurmaṇḍalākāratilakam | atra pūrṇacandro varṇyatvena bodhyaḥ | khaṇḍacandre candanabindusādṛśyābhāvāt | punaḥ kīdṛśaḥ | sphuṭībhūtā prakaṭitā lāñchanakalaṅkasya śrīḥ śobhā yatra tādṛśaḥ | kulaṭākulasya vyabhicāriṇīsamūhasya yo vartmapātaḥ saṃketagamanamārgapratirodhastena saṃjātaṃ pātakaṃ yasya saḥ | aparasyāpi kṛtapāpasya kalaṅkaḥ sphuṭībhavatīti dhvaniḥ |
Linked texts (1)
- Gītagovinda — Jayadeva, Sanskrit