Gita Govinda 24

Rasamañjarī 24

Language: Sanskrit

24.2

sārvavibhaktikastasiriti niyamāt |
8 || tavedamiti | he kitava dhūrta, tvadālokastava darśanam | prakhyātaḥ prasiddho yaḥ praṇayabharo'nurāgātiśayastasya bhaṅgena nāśena hetunā śokādduḥkhādapi kimapyanirvacanīyaṃ lajjāṃ janayati | kīdṛśyā me | tavedaṃ pratyakṣaṃ hṛdayaṃ paśyantyāḥ | kīdṛśam | priyāpādālaktakaiḥ priyāyāścaraṇasaṃbandhidyāvakairvyāptam | ata evāruṇacchāyamaruṇacchāyā dīptiryasya tādṛśam | kimiva | bahiḥ prasaradanurāgamiva hṛdayaṃ paripūrṇādhikyādvahiḥ niḥsarat | premṇaiva yā rādhā pūrve saubhāgyagarveṇa na kāṃcana gaṇayati sma sā idānīṃ samakṣamanyanāyikācaraṇālaktakaṃ hṛdayaṃ paśyantī jīvatyeveti vipakṣayuvatīparihāsaśaṅkayā śokādapi me'dhikalajjā bhavatīti bhāvaḥ | 'chāyā syādātapābhāve-
(antarmohenetyādiścokaṭīkā nopalabhyate ādarśapustake) |

24.3

pratibimbārkayoṣitoḥ | pālotkocayoḥ kāntisacchobhāpaṃktiṣu smṛtā ||' iti viśvaprakāśaḥ |
iti śrīmanmahāmahopādhyāyaśrīśaṃkaramiśraviracitāyāṃ śrīśālināthakāritāyāṃ gītagovindaṭīkāyāṃ rasamañjarīsamākhyāyāmaṣṭamaḥ sargaḥ ||

Linked texts (1)

Gītagovinda — Jayadeva, Sanskrit