Gita Govinda 26
Rasamañjarī 26
- Language
- Sanskrit
26.1
pūrvasarge khaṇḍitāyā rādhāyāścaritamuktam | saṃprati paścāttāpāṃ tāṃ sakhyavācetyāha | atheti-atha anantaraṃ kalahāntaritāṃ paruṣavacanānantaraṃ kṛtapaścāttāpāṃ rādhāṃ raha ekānte sakhī uvāca uktavatī | kīdṛśīm | manmathena kāmena khinnāṃ duḥkhitām | ata eva ratirasena śṛṅgārarasena bhinnāṃ saṃgatām | ata eva viṣādasaṃpannāmudvegasahitām | ata evānucintitaṃ smṛtaṃ hareścaritaṃ purā rahovilasitaṃ yayā tām | 'bhinnamanyārthavacane saṃgate dārite sphuṭe|' iti viśvaḥ | kalahāntaritā ceyam | 'prāṇeśvaraṃ praṇayakopabhareṇa bhītaṃ yā cāṭukāramavadhīrya viśeṣavāgbhiḥ | saṃtapyate madanavahniśikhāsahasrairbāṣpākulā ca kalahāntaritā hi sā syāt|' iti |
tadeva gītena kathayati-haririti | gītasyāsya gurjarīrāgo yatitālaśca | gītārthastu-aye iti saṃbhrame | he mānini mānavati, mādhave lakṣmīpatau mānaṃ mā kuru | lakṣmīpatirapi tvāṃ prasādayatyaho bhāgyamityavaśyaṃ tvayā mānastyājya iti sūcanāya mādhavapadopādānam | mṛdupavane basantavāyau vahati sati hariḥ kṛṣṇo'bhisarati tvadīyasaṃketabhūmimāgacchati | he sakhi, bhuvane trailokye'paraṃ kṛṣṇābhi-
api ca | tālaphalāditi | he rādhe, kucakalaśaṃ kiṃ viphalīkuruṣe | harikaratalasparśavilāsābhāvāddiphalamityarthaḥ | tālaphalādapi guruṃ kaṭhinaṃ mahāntaṃ ca | punaḥ kīdṛśam | atiśayena sarasam |
26.2
api ca | kati neti | he sakhi, atiśayaruciraṃ hariṃ mā parihara idaṃ vacanamaciraṃ sāṃpratamanupadaṃ sthāne kativāraṃ na kathitam |
26.3
api ca | kimitīti | he sakhi, iti amunā prakāreṇa viṣādaṃ kuruṣe 'tivikalā satī kimiti rodiṣi | sakalā yuvatisabhā tava iti ceṣṭitaṃ hasati |
26.4
api ca | sa-
26.5
paramadhikaṃ kiṃ sukham | na kiṃcidapītyarthaḥ | ata iti kim | yanmadhorvasantasya pavane vahati vāti sati harirabhisarati svayamāyāti |
janayasīti | tasmānmanasi citte gurukhedaṃ mahadduḥkhaṃ kimiti janayasi | mama vacanaṃ ‘mādhave mānaṃ mā kuru’ iti mama vākyaṃ śṛṇu | kīdṛśam | anīhito'nākāṅkṣito yuvayorbheda upajapa etādṛśam | tathā ca mama vacanaṃ yuvayoḥ prītikārakaṃ tadavaśyaṃ tvayā śrotavyamiti bhāvaḥ | mayā saha nākāṅkṣitaṃ bhedaṃ yathā syādevaṃ mama vacanaṃ śṛṇu | iyaṃ sakhī matto'bhinnā, madaniṣṭaṃ na bhavatīti buddhyā madvacanaṃ śṛṇviti bhāvaḥ |
26.6
haririti | hariḥ kṛṣṇa upayātu tvadantikaṃ gacchatu | bahumadhuramatisarasaṃ yathā syādevaṃ vadatu | hṛdayaṃ svakīyaṃ hṛdayamatividhuramatiduḥkhitaṃ kimitikaroṣi |
26.7
śrījayadeveti | śrījayadevena bhaṇitaṃ varṇitaṃ lalitaṃ manoharaṃ haricaritaṃ rasikajanaṃ kṛṣṇabhaktirasāsvādagṛhītaṃ śṛṅgārādirasāsvādaparaṃ janaṃ sukhayatu ānandayatu |
26.8
eva nayane netre saphalaya kṛtārthaya | yadvā sajaleti saptamī | tathā ca tvayā racitaṃ yatsajalanalinīdalaśītalaśayanaṃ tatropaviṣṭaṃ harimavalokayetyarthaḥ | tathā ca satkārapūrvakaṃ śayane upaveśya hariṃ paśyeti bhāvaḥ |
snigdha iti | yaṣato hetoḥ snigdhe yasminpriye madhuravacanaiḥ snehaṃ
Linked texts (1)
- Gītagovinda — Jayadeva, Sanskrit