Gita Govinda 27
Rasamañjarī 27
- Language
- Sanskrit
27.2
(atra sāndrānandaneti ślokasya ṭīkā nopalabhyate ādarśapustake |
27.3
prakaṭayati sati paruṣāsi niṣṭhurabhāṣiṣyasi | yacca praṇamati tasmiṃstabdhāsi | yacca rāgiṇyanurāgavati tasmiṃstvaṃ dveṣasthāsi dveṣamavalambya sthitāsi | yacconmukhe āliṅganāya saṃmukhe tasmiṃstvaṃ vimukhatāṃ yātāsi parāṅmukhatāṃ gatāsi | taddhetorhe viparītakāriṇi, etatsarvaṃ viparītameva | etatkim | tava śrīkhaṇḍacarcā candanalepo viṣam | yathā viṣaṃ bhoktāraṃ mūrcchayati tathā candanalepo'nyeṣāṃ sukhado'pi tvāṃ mūrcchayatīti bhāvaḥ | atha ca śītāṃśustapanaḥ sūryaḥ | anyeṣāṃ śītaḷasvabhāvo'pi candrastvayi tāpapradatvāttapana iti bhāvaḥ | himaṃ tuṣāro'pi hutavaho'gniḥ | atha ca krīḍāmudaḥ sakhīkrīḍājanyā mudaḥ pramodā yātanā tīvravedanāḥ | yastasminviparītamācarati tasya sarvaṃ viparītameva bhavatīti bhāvaḥ | ‘paruṣaṃ karbure rūkṣe syānniṣṭhuravacasyapi |’ iti viśvaḥ | ‘yātanā tīvravedanā’ ityamaraḥ |
) vātsyāyanādimatasaṃmatamatra kiṃciddhatkoṣajātamatha śabdanayaprameyam | yaccāpyalaṃkṛtirahasyamalekhi tattaccāmnāya mūlamiti sanmatibhirvibhāvyam || iti śrīśaṃkaramiśraviracitāyāṃ gītagovindaṭīkāyāṃ rasamañjaryau navamaḥ sargaḥ ||
Linked texts (1)
- Gītagovinda — Jayadeva, Sanskrit