Gita Govinda 32

Rasamañjarī 32

Language: Sanskrit

32.1

nikuñjanilayasya nikuñja eva nilayo nibhṛtagṛhaṃ tasya dvāre hariṃ nirīkṣya dṛṣṭvā vrīḍāvatīṃ lajjāvatīmetasmai kati niṣṭhurāṇi vacāṃsi mayoktāni, saṃprati kathaṃ tatsamakṣaṃ yāmīti lajjayā yuktām | kīdṛśasya nikuñjanilayasya | hārāvalyo hārapaṅktayastaralo hāramadhyamamaṇiḥ kāñcanakāñcidāma suvarṇakhacitamekhalā mañjīro nūpuraḥ kaṅkaṇaṃ karabhūṣaṇameteṣu khacitā ye maṇayasteṣāṃ dyutyā kāntyā dīpitasya prakāśitasya | ‘taralaścañcale khiṅge hāramadhyamaṇāvapi’ | iti viśvaprakāśaḥ |
5 || tadeva gītenāha—mañjutareti | gītasyāsya varāḍīrāgo maṭhatālaśca | gītārthastu—he rādhe mādhavasamīpaṃ kṛṣṇāntikadeśaṃ praviśa | iha mañjulatarakuñjatalakelisadane mañjulataraṃ yatkuñjajalaṃ nikuñjābhyantaradeśastadeva yatkelisadanaṃ līlāgṛhaṃ tatra vilasa vilāsaṃ kuru | kīdṛśi | ratirabhasena suratotsāhena hasitaṃ hāsyayuktaṃ vadanaṃ mukhaṃ yasyāstādṛśi | praviśa rādhe mādhavasamīpamiha vilasetyuktam | dhruvapadamanu vartamānatvāt | yadvā | iha mādhave vilasa | kīdṛśe mādhave | mañjulatarakuñjatalakelisadanaṃ yasya tādṛśe | punaḥ kīdṛśe | ratirabhasena hasitaṃ vadanaṃ yasya tādṛśe |
naveti | navaṃ nūtanamatha ca lasacchobhāyamānaṃ yadaśokadalamaśokapallavaṃ yasya tacchayanaṃ śayyā tadeva sāro mahādhanaṃ yatra tādṛśe | tvaṃ kīdṛśī | kucakalaśayoḥ stanakalaśayorataralaścañcalo hāro yasyāstādṛśī | aparasminnapi gṛhe mahādhanaṃ tiṣṭhatīti dhvanitam | yadvā navalasadityapi rādhe ityasyaiva viśeṣaṇam | tadā navalasadaśokadalaśayanameva sāro yasyāstādṛśi | yadvā iha mādhave vilasa | kīdṛśe mādhave | navalasadaśokadalameva sāro yasya tādṛśe |

32.2

kusumeti | he rādhe, iha kusumacayena puṣpasamūhena racitaṃ viracitaṃ śuci anupahataṃ nāyikāntareṇānupabhuktaṃ yadvāsagehaṃ līlāgṛhaṃ tatra vilasa | yadvā kusumacayena racitamarthātkṛṣṇena nirmitaṃ śuci vāsagṛhaṃ yasyāstādṛśi iti rādhe ityasyaiva viśeṣaṇam | punaḥ kīdṛśī tvam | kusumavatsukumāraḥ komalo deho yasyāstādṛśi | yadvā iha mādhave vilasa | kīdṛśe mādhave | kusumacayena racitaṃ śucivāsagehaṃ yena tādṛśe | kīdṛśe mādhave | kusumavatsukumāro deho yasya tādṛśe | 'śuci anupahate' iti viśvaprakāśaḥ |

32.3

32.4

32.5

32.6

api ca | madhumuditeti | he rādhe, iha vilasa | kiṃbhūte rādhe | kusumaśare kāme raso rāgaḥ sābhilāṣo bhāvo'bhiprāyo yasyāstasyāḥ saṃbuddhiḥ | kiṃbhūte iha | madhunā
nanamivonnidramaravindamabhūditi | sā prasiddhaviparyāsādviparyāsopameṣyate ||' iti | 'pakkadāḍimabījābhaṃ māṇikyaṃ śikharaṃ viduḥ |' iti śāśvataḥ |

32.7

32.8

kṛṣṇotkaṇṭhādhikyamāha—tvāmiti | ayaṃ kṛṣṇastvāṃ cittena manasā vahannatiśrānto'tiśayena śramayukto jātaḥ | kandarpeṇa kāmena ca bhṛśamatiśayena tāpitaḥ saṃtāpitaḥ | atisūkṣme citte pīnastanajaghanavatyāḥ stanadhāraṇena śramo yukta eva | anyo'pi yo gurutarabhārodvahanaṃ karoti tasyāpyatiśramo bhavatīti bhāvaḥ | atastava sudhāmṛtena saṃbādhaṃ saṃkaṭaṃ bimbādharaṃ bimbaphalamadharamoṣṭhaṃ pātumicchati | tasmāddhetostasya kṛṣṇasyāṅkaṃ kroḍaṃ kṣaṇaṃ tvamalaṃ kuru bhūṣaya | ahamapi sphuṭāparādhā | atastadaṅkārohaṇe bibhemītyata āhabhrūkṣepeti | iha kṛṣṇe kutaḥ kasmāddhetoḥ saṃbhramo bhayam | kīdṛśe kṛṣṇe | sevitaṃ tvadīyapadāmbhojaṃ tvadīyacaraṇakamalaṃ yena tādṛśe | ata eva dāsajane'pi | tatra hetugarbhaviśeṣaṇamāha-bhrūkṣepeti | bhrūkṣepasya bhruvā cālanasya yā lakṣmīḥ saṃpattasyā

Linked texts (1)

Gītagovinda — Jayadeva, Sanskrit