Arjuna and the Hunter 2.2

2.2

yaditi || māninī kṣatriyakulābhimānavatī draupadī snehamayena snehapracureṇa | 'tatprakṛtavacane mayaṭ' cakṣuṣā jñānacakṣuṣā | etenāptatvamuktam | parito vīkṣya samantato vivicya yadvacanamavocata | bruvo vaktervā luṅ | 'vaca um' ityumāgamaḥ | vāgadhipasya bṛhaspaterapi durvecaṃ vaktumaśakyam | śeṣe ṣaṣṭhīyam, na kṛdyogalakṣaṇā | ato 'na loka-'ityādinā ṣaṣṭhīpratiṣedho nāsti | tadvacanaṃ vismayaṃ vidadhīta | sarvasyāpīti śeṣaḥ | athavā vāgadhipasyāpi vismayaṃ vidadhīteti saṃbandhaḥ | durvacam | kenāpīti śeṣaḥ | yataḥ kṣauṇamapi śāstramanuruṇaddhi hitaṃ cānubadhnāti | ato vismayakaraṃ grāhyaṃ caitadvacanamiti tātparyārthaḥ || vismayakaratve hetumāha-