The Slaying of Śiśupāla 4.11

Sarvaṅkaṣā 4.11

Language: Sanskrit

4.11

sa iti || indranīlasthalamiva nīlamūrttiḥ śyāmāṅgaḥ | saṃhitāyāṃ rorīti rephalopaḥ ḍhralope pūrvasyeti dīrghaḥ | karbūraṃ haritālamiva piśaṅgaṃ vāso yasya saḥ pītāmbaro hariḥ | haritālaṃ tu karbūramiti vaijayantī | sa harirvisṛtvaraiḥ visṛmaraiḥ | iṇnaśajisarttibhyaḥ kvarap | amburuhāṃ ambujānām | ruheḥ kvip | rajobhiḥ parāgaiścitraścitravarṇaḥ yamasvasuryamunāyāḥ udakasya bhāraḥ pūraḥ udabhāraḥ sa iva rarāja | manthodanetyādinā udakasyodādeśaḥ |

Previous: 4.10
Next: 4.12
Up: 4

Linked texts (1)

Śiśupālavadha — Māgha, Sanskrit