The Slaying of Śiśupāla 4.43

Sarvaṅkaṣā 4.43

Language: Sanskrit

4.43

sphuraditi || yasyāṃ puri kṣaṇadāsu rātriṣu nāryaḥ sphuradbhistupārāṃśoścandrasya marīci jālaiścandrikābhiḥ vinihutāḥ apahutāḥ tadekarūpatāpatteragṛhyamāṇā ityarthaḥ | ataeva sāmānyālaṃkāraḥ | sāmānyaṃ guṇasāmyena yatra vastvantaraikateti lakṣaṇāt | sphāṭikānāṃ sphaṭikavikārāṇāṃ saudhānāṃ paṅktīrāruhya nabhogatā devyo devāṅganā iva | devaśabdasya pacādiṣu devaḍiti pāṭhāt ṭiḍḍhāṇañdvisrādinā ṅīp | vyarājan saudhānāmagrahaṇādabhraṃkaṣatvācca tatra lakṣyamāṇāḥ striyaḥ khecarya iva rejurityarthaḥ | atra nabhogatatvotprekṣāyāḥ pūrvoktasāmānyasāpekṣatvāt saṃkaraḥ |

Previous: 4.41
Next: 4.44
Up: 4

Linked texts (1)

Śiśupālavadha — Māgha, Sanskrit