The Slaying of Śiśupāla 4.48

Sarvaṅkaṣā 4.48

Language: Sanskrit

4.48

śukāṅgeti || yasyāṃ puri mugdhāṅganāḥ śukāṅgavannīlopalāḥ nīlamaṇayo marakatānītyarthaḥ | upalaḥ prastare maṇāviti viśvaḥ | tairnirmitānāṃ gṛhāṇāṃ dehalyo gṛhadvāraśākhādhāradārūṇi | gṛhāvagrahaṇī dehalītyamaraḥ | tāsāṃ bhāsā lipteṣu alindeṣu dvārabahirbhāgeṣu | praghāṇapraghaṇālindā bahirdvāraprakoṣṭhaka ityamaraḥ| goḥ purīṣaṃ gomayam | gośca purīṣe iti mayaṭ | tasya gomukhāni vilepanāni | gomukhaṃ kuṭilākāre vādyabhāṇḍe vilepane iti viśvaḥ | na cakrureva | marakataprabhāyāṃ vilepanabhrāntyeti bhāvaḥ | ataeva bhrāntimadalaṃkāraḥ | kavisaṃmatasādṛśyādvastvantaramatirhi yat | sa bhrāntimānityalaṃkārasarvasvakāralakṣaṇāt |

Previous: 4.47
Next: 4.49
Up: 4

Linked texts (1)

Śiśupālavadha — Māgha, Sanskrit