The Slaying of Śiśupāla 4.5

Sarvaṅkaṣā 4.5

Language: Sanskrit

4.5

tasyeti || tasya hareruraḥ urasthalamullasantyā kāñcanakuṇḍalāgrayoḥ pratyuptānāṃ khacitānāṃ gārutmataratnānāṃ marakatamaṇīnāṃ bhāsā dīptyā urasi prasarantyeti bhāvaḥ| bālyaṃ śaiśavam | brāhmaṇāditvāt ṣyañ | tatrocitamabhyastaṃ yannīlakaṇṭhapicchaṃ mayūrabarham | abhyaste'pyucitaṃ nyāyye iti yādavaḥ | picchabarhe napuṃsake ityamaraḥ | tena nirmitāvacūḍā mālikā tasyāḥ kalanāmāmocanamavocanaṃ vā avāpevetyutprekṣā | yatrānyadharmasambandhādanyadevopatarkitam | prakṛte hi bhavetprājñāstāmutprekṣāṃ pracakṣata iti lakṣaṇāt |

Previous: 4.4
Next: 4.6
Up: 4

Linked texts (1)

Śiśupālavadha — Māgha, Sanskrit