Ravanavadha 7.1

7.1

1. athāmrapratyayamevādhikṛtya ślokacatuṣṭayena rāvaṇavṛttāntamevāha oṣāñcakāreti || kāma evāgniḥ kāmāgniriti rūpakam | dāhaliṅgāt | daśagrīvaṃ rāvaṇam | ahaśca niśā ca aharniśam | sarvo dvandvo vibhāṣaikavadbhavatītyekavadbhāvaḥ | atyantasaṃyoge dvitīyā | oṣāñcakāra uvoṣa dadāhetyarthaḥ | uṣa dāha ityasmālliṭ || "uṣavidajāgṛbhyo'nyatarasyām" iti vikalpādāmratyayaḥ || tato laghūpadhaguṇaḥ | dāheṃ kāraṇamāha | tathāhi rāvaṇaḥ vaidehīṃ sītāmanyasmin rāmātiriktapuruṣe nirutsukāmannutsukāmannanuraktāṃ vidāñcakāra viveda | tadvedanādeveyaṃ virahavedanā jāteti bhāvaḥ || "uṣavida-" ityāmpratyayaḥ || atra videradantatvānna laghūpadhaguṇaḥ | tathāca kāśikā 'āmo'mittvamadantatvādaguṇatvaṃ videstathā | āskāsorāmvidhānācca pararūpaṃ katantavat || " iti ||