Ravanavadha 7.77

Sarvapathīnā 7.77

Language: Sanskrit

7.77

77. pakṣibhiriti || yo na jānātītyajño viṣayarasānabhijñaḥ | ajñasya vā yasya | prīṇayatīti priyaḥ prītikaraḥ premāspadībhūtaḥ | jano nāsti sa eva yūnāṃ taruṇānām | karmaṇi ṣaṣṭhī | vitundantīti vitudāḥ hiṃsakāḥ| igupadhalakṣaṇaḥ kaḥ pratyayaḥ | taiḥ pakṣibhiḥ kokilādibhiḥ | utkiranti vikṣipantītyutkirāḥ || sarvatra “igupadhajñāprīkiraḥ kaḥ” || kusumānāmutkirāḥ puṣpavarṣiṇaḥ | karmaṇi ṣaṣṭhīsamāsaḥ | taiḥ śākhibhiḥ vṛkṣaiśca | vrīhyāditvādiniḥ | prakarṣeṇa glāyata iti praglaḥ praglānaḥ kṣīṇaharṣo na bhavet | abhijñaḥ priyajanavāṃśca glāyatyevaitairityarthaḥ || “ātaścopasarge” iti kapratyayaḥ ||

Previous: 7.76
Next: 7.78
Up: 7

Linked texts (1)

Rāvaṇavadha — Bhaṭṭi, Sanskrit