Ambikalapa 2

Ambikālāpa 2

Language: Sanskrit

2.1

mauñjīkṛṣṇājinaparivṛtaḥ śubhrayajñopavītī
haste daṇḍaṃ vimalasalilāṃ kuṇḍikāṃ cādadhānaḥ
kāle vakṣasyapi ca bhujadornyastabhasmatripuṇḍraḥ
prādurbhūtaḥ sapadi giriśaḥ kaitavabrahmacārī

2.2

ārādetya priyasahacarīdattavetrāsanasthaḥ
kalyāṇīṃ tāṃ sadayamṛjunā cakṣuṣā vīkṣamāṇaḥ
mārgaśrāntiṃ sapadi madhuparkādibhiryāpayitvā
vāgmī vācaṃ tadanu sutarāmabravīt kṣudraśaktiḥ

2.3

sauvarṇīva dyutimupagatā niṣkalaṅkā śalākā
madhye'gnīnāṃ tava varatano rājate mūrtireṣā
sakhyormadhye vahasi yamunāgaṅgayorantarāle
gūḍhaṃ sārasvatamiva payaḥ pāvanaṃ sūkṣmamaṅgam

aiśvaryaṃ te na khalu vikalaṃ yauvanārambhayogādmlānaśrīriyamabhinavā snigdhalāvaṇyarekhā
nūnaṃ naiva tvadabhilaṣitā durlabho(bhā) durlabha(mābhaṃ)syā(t)
kiṃ kalyāṇi ! prabalatapasā prāpyamastītyapṛcchat
trīlāveśādapi ca tapasā maunameva prapannā
bālā tasmai manasi nihitaṃ sūcayantīva (tasthau)
vakṣomadhyaṃ valitavadanā prekṣatāmbhoruhākṣī
sakhyau tasyāḥ sphuṭamavadatāṃ vācamācārabhūtām
vidvan ! vidyāḥ priyasahacarīmīśvare baddhabhāvāṃ
vāñchāsindhuḥ khalu niravadhiḥ komalā yoṣideṣā
dhīrāste'nye śirasi dhanupāpyaśramaṇā tāḍayitvā
hitvātaṅkaṃ (ni)rayamapi ye (mari)ta(sva)rūpaṃ bhajante
bhittvā śīrṣāṇāṃ daśakamajuhodrāvaṇo jīvitārthī
cakrāvāptyai nayanakamalaṃ cakrāpāṇirdideśa
eṣāpyagnau tapa iti mahat sāhasaṃ hanta dhatte
ko jānīte kathamiva bhavedeva eva pramāṇam

2.8

naiva jyāyo na punaranu vā nāvaraṃ vā varaṃ vā
yasmādanyajjagati vitataṃ vidyate naiva kiṃcit
eko devaḥ sa khalu nikhilaprāṇivargāntarātmā
nirvyājodyannijakaruṇayā naḥ prasādaṃ karotu

2.9

dagdhaṃ yena tripuramathanaiḥ stūyamānena dīnaiḥ
pītaṃ hālāhalamapi purā helayā lokaguptyai
ghoraṃ tādṛk kimapi viṣunā sāhasaṃ nātra kāryaṃ
sānnidhyaṃ cet sa tu vitanutāt tāvatā smaḥ kṛtārthāḥ

2.10

sakhye vikrāditi samuditāṃ vācamākarṇya varṇīṃ
mānyāmenāṃ muhurapahasannevamevaṃ babhāṣe
bālā hanta prabalatapasā phalgumākāṅkṣate'rthaṃ
kiṃ kalyāṇyā visadṛśamidaṃ sammataṃ vāmapīṣṭam

2.11

īśo'stīti bhramitajagatāmicchatāṃ (patyurvṛṣayu)pāyaṃ
vādaḥ kaścit pravacanavidāṃ vedyate vaidikānām
nai(vena) vācāmapi ca manasāṃ gocaraṃ prāhurandhā
mugdhe śraddhāṃ racayasi mudhā vastuśūnye'pi śabde

2.12

kīdagrūpaḥ kimupakaraṇaḥ kiṃguṇaḥ kiṃcaritraḥ
kairvā mugdhe kathaya karaṇaireṣa nirdhāraṇīyaḥ
vastuvastīti bhramati sutarāmīśvare śabdamātre
gandhaśraddhā gaganakusume jāyate kasya jantoḥ

2.13

kalyāṇetaṃ kapaṭavaṭunā vyāhṛtā sāpahāsaṃ
maunagranthiṃ śuciravidhṛtaṃ sandamandaṃ niruddhya
divyāṃ vāṇīṃ daśanakiraṇairdyotayantī nitāntaṃ
tatpratyuktiṃ sutanuratanov tatkṣaṇaṃ yuktiyuktām

2.14

vedābhyāsairvividhatapasā vidyayā brahmamayyā
(mimau)nairmantrābhyasanavidhinā dhyānayogena śāntyā
yajñairdānairapi sumanaso (yaṃ prīyanti)yārthaṃ yatante
tasyāvāptyai yadi na yatase brahmacaryaṃ kimartham

2.15

jantorantaḥ sphurati hṛdaye yaḥ kilāṇoraṇīyān
brahmādīnāmapi ca manasāṃ vartate yo mahīyān
svātmānandaṃ na gaṇayasi cedīśamajñānapāśādādityo'stītyavagamayituṃ kauśikaṃ kaḥ samarthaḥ

2.17

yādagrūpo yadupakaraṇo yadguṇo yaccaritro
yo'nādyantaḥ sa kathamitaraiḥ śakyanirdhāraṇaḥ syāt
no cedīśaḥ kathaya jagatāmudbhavādau kutastvāṃ
kasmād bhīto bhramasi hi punaḥ kālacakre vivasvān
yasyāghantau śaṃtadhṛtirasau vākṣituṃ nālamāstāṃ
kastadrūpaṃ parigaṇayituṃ śaknuyāt kṣudraśaktiḥ
adyāpyenaṃ visumupanipat kelyanirdhārya raudrī
sarvān bhāvān namati śataśaḥ sthāvarān jaṅgamāṃśca

2.19

meruryasya sthiradhanurabhūd vāsukirjyā variṣṭhā
kṣiprakṣeṣuḥ paramapuruṣastāḥ śaravyaṃ nagaryaḥ
vedā vāhāstaraṇiśaśinau cakrayugmaṃ rathaḥ kṣamā
vedhā yantā kimiha bahunā tāddaśaḥ ko'sti vīraḥ
havyaiḥ(gavyaiḥ)hutavahamukhe yajvabhiḥ pūjyamāno
yaḥ santuṣṭaḥ phalamavikalaṃ puṇyakṛjyo dadāti
dakṣo devaiḥ saha paribhavaṃ prāpayan yo'vamānāt
kastaṃ nindyād bahulatamasā tvāṃ vinā lokanātham

2.20

bālyānmaugdhyāduta vidhivaśāt (prāktanāt) karmabandhādajñānāndhyādapi ca bhavatā neśvaraḥ sa śrutet
śuśrūṣābhiḥ śrutipariṇatān paṇḍitān prīṇayitvā
śrutvā tebhyastribhuvanaguruṃ śreyase saṃśraya tvam

2.21

cittārūḍho yadi na bhavataḥ śaṅkaro madvacobhiḥ
paśyetyagre pratikṛtimaho śāmbhavīṃ darśayitvā
evaṃ dhyātvā hṛdayakamale devamārādhaya tvaṃ
jātyā viprastvamasi mahito janmasāphalyasiddhyai

2.22

itthaṃ gauryā vacasi virate varṇayāmāsa varṇī
tatsantāpaśravaṇakutukacchāditāntaḥpramodaḥ
jāne dvau vāṃ sudati bhavatīṃ bhadrarūpāmabhadrām
rudraṃ kṣudrācaritamapi taṃ cetasā tena dūye

2.23

unmatto yaḥ pibati garalaṃ nṛtyati tyaktavāsāḥ
śete bhūtaiḥ saha pitṛvane śāvabhasmāsthibhūṣaḥ
bhikṣāmatti pratidinamasau brahmahatyānuṣaṅgāt
ko vā styanyastribhuvanatale tādṛśo durvinītaḥ

2.24

mauliryasyābhyadhikajaṭilo locanaṃ phālamadhye
kaṇṭhe śvetadravakaluṣitaṃ karburaṃ bhasmanāṅgam
vṛddhenokṣṇā gamanamanaghe veṣṭanaṃ jīrṇakṛttvā
kāṅkṣetainaṃ vikṛtavapuṣaṃ kā tvadanyā varāṅgī

2.25

asmāt sadyo virama rasike kutsitādīpsitāt tvaṃ
nindantyete bhudati bhavatīṃ jantavaḥ sarva eva
bāle brūhi tvadabhilaṣitaṃ yaḥ purāṇastapasvī
kiṃ jānīte manasijarasaṃ kāmavairī kilāsau

2.27

itthaṃ śrutvā śravaṇaparuṣaṃ candramāṣādhinoktaṃ
roṣārūḍhaṃ manasi tapasā hāsabhītyā niruddhya
śāpo (da) (dreye'yyaṃ) prativacanamevādate mañjuvāṇī
jātibrāhmaṃ vahasi ca vapurnindasi brahma dhik tvām
kṣīrāmbhodheradhikamathanakṣobhasambhūtakhedāt
..........gatīndramujjṛmbhamāṇe
kānte devāsuraparikare kāndiśīke samantānācāntaṃ cedbharalamunā kaiva viśvaṃ ka vā tvam

2.28

dhāturdarpādanucitagiraḥ pañcame mūrdhina kṛtte
prāyaścittaṃ carati giriśe bhikṣamāṇaḥ kapāle
brahmendrādyaṃ bhuvanamakhilaṃ saṃhara(nna)ntakāle
bhikṣāyai ka vrajatu bhagavān kaiva sā brahmahatyā

2.29

diggolaṃ vā vasatu dalitaṃ carma vā diggajānāṃ
bhasmālepo bhavatu vilasaccandanālepano vā
ākalpān vā bhajatu subhagān bhīṣaṇān vā bhujaṅgān
kiṃ vā kānyai na bhavati vibhormaṅgalāvāsamūrteḥ

2.30

śvetāmīśaḥ pitṛvanatale śekhare vā śrutīnāṃ
vṛddhanokṣaṇā vrajatu bhagavān mattadigdantinā vā
kālottīrṇaḥ kavalayatu vā kālakūṭaṃ sudhāṃ vā
śāsyaḥ kaṣāṃ sakalajagatāṃ śāsitā śūlapāṇiḥ

2.31

kiñcit paścādapi ca paruṣaṃ vaktukāmo'yamāste
dimbhaḥ śambhostirayati vibhorānubhāvaṃ puro me
vā(mā)cāro na khalu virameddāryatāmeṣa sakhyau
yāsyāmo vā vayamiti tadā gantumāsīt pravṛttā

2.33

.............kiṅkaraḥ śaṅkaro'sau
mā gaccheti smitasitarucā vāṅmayenānugṛhṇan
brahmendrādyairamaranikarairvandyamāsthāya veṣaṃ
yāntyāstasyāḥ karakisalayaṃ śaṅkaro'pyālalambe
hastālambapraṇayini hare vihvalībhūtacittā
vyāvṛttāṅgī lalitavadanā vallabhaṃ vīkṣamāṇā
kālonmīlatkuvalayakulaspandasaundaryalakṣmīrindoḥ sparśādamṛtalaharīvollalāsādrikanyā

2.34

bālyānmaugdhyādapi calatayā strīsvabhāvādyaduktaṃ
kṣantavyaṃ tatparuṣavacanaṃ svāmineti bruvantī
sānukrośe sati ca giriśe sāparādhoti bhītā
mugdhā mūrdhnā praṇatimakarodambikā tryambakāya

2.35

saṃstambhodyatpulakamukulaṃ sādhvasakhinnamaṅgaṃ
bhaktyāveśābhyadhikagalitānandabāṣpākulākṣī
vācāṃ gumphairadhikamadhurairvāgadhīśaṃ maheśaṃ
sā prāśaṃsat praṇayavivaśā vāstavaina stavena

2.36

pratyakṣādipramitikaraṇairaprameyānubhāvaḥ
pratyakṣaṃ naḥ sphurati bhagavan ! kevalaṃ sā kṛpā te
dūre vācāmapi ca manasāṃ bartamānasya manye
māyāmūrtiṃ tava punarimāṃ mādṛśāṃ rakṣaṇārtham

2.37

sthūlaṃ sūkṣmaṃ paramiti bhavanmūrtayo viśvamūrte
kartā kāryaṃ karaṇamiti te deva (yaḥ saḥ) śivātmā
(no śā|)bhūtaṃ bhavyaṃ bhavāditi kalāḥ kālarūpasya śambhoḥ
śaktiḥ śāntaḥ śiva i(ti) punaḥ svānubhūtiprakāśaḥ

2.38

pādāmbhojaṃ phaṇipatipariṣkāri pātālamūlaṃ
pṛthvī śroṇī jaladhivasanā bāhavo'ṣṭau digantāḥ
maulirvyoma tridaśataṭinīcandrakhaṇḍābhirāmaṃ
tvāmācaṣṭe sphuṭamupaniṣad vyomakeśaṃ virājam

2.39

brahmā bhūtvā sṛjasi rajasā vartamānakhilokīṃ
sattvodriktaṃ sadavanavidhau vaiṣṇavaṃ dhāma dhatse
kalpāpāye harasi tamasāpyatra rudrātmanā tvaṃ
nirguṇaṃ pariviharataḥ kīdṛśī kelireṣā

2.40

vindantyantarhṛdayakamale vindunātmakaṃ te
jyotirliṅgaṃ vapuranupamaṃ yogino yogigamyam
tasyāpyantaḥ sphurati paramānandasaṃvitsvarūpo
yasmin dṛṣṭe na khalu (pu)narāvartate'tīva lokaḥ

2.41

bhūte bhūte pratiphalasi kiṃ bhānumālīva toye
dīpādīpā iva khalu samuddīpitā jyotase'nyāḥ
tvayyeva tvaṃ kimu vivalase vīcimāleva sindhau
kumbhe kumbhe gaganamiva kiṃ vartase muktasaṅgaḥ

2.43

ekaṃ bibhratsaguṇamaguṇaṃ sakriyaṃ vikriyaṃ vā
nissāmānyaṃ tribhuvanaguro ! tvāṃ na nirdhārayāmi
divyaṃ cakṣuḥ pradiśa giriśa ! chinnahṛdgranthibandhaṃ
yāthārthyaṃ te hṛdi viharato yena sākṣātkaromi
śabdabrahmādhigamitarabrahmadhāmne svadhāmne
paścabrahmaprabhavatanave brahmaṇā mṛgyabhūmne
brahmāṇḍāntarbahirapi sate brahmavidyopadeṣṭre
brahmiṣṭhānāṃ hṛdi viharate brahmaṇe te namo'stu

Linked texts (1)

Ambikālāpa — Parameśvara, Sanskrit