Laghukavyasangraha 3
Laghukāvyasaṅgraha 3
- Language
- Sanskrit
3.1
ataḥ paraṃ x satyavarṇanakāvyaṃ prārabhyate, yasyāyamādyaḥ
ślokaḥ
yānīśvareṇa ṛṣibhiśca parārthahetorāviṣkṛtāni śubhamārganiyodhakāni
tānyeva mānyapuruṣairnijadharmavṛddhyai
bodhyāni satyamidamādyamalaṃ pradiṣṭam
3.2
ādyāśrame gurukule gurusevalādi
dharmānuvartanaparaṃ paṭhanādikaṃ yat
vedādiśāstranicayasya tadeva manye
satyaṃ dvitīyamuditaṃ muninā prasādāt
3.3
vedoktadharmaparipālanamāśrameṣu
sarveṣu varṇaniyamādiprabhedāt
saṃdhyādinityavidhisevanamādareṇa
satyaṃ tṛtīyamapi varṇitameva devaiḥ
3.4
kāle svadāragamanaṃ vidhinā parastā
cchraute smṛtipraṇihite nu ratiḥ svakṛtye
vedoktapañcamitayajñavidhānacintā
turyyaṃ nivedayati satyapathaṃ prabhāvāt
3.5
nityaṃ yameṣu niyameṣvapi cānupaktiḥ
satsaṅgatiśca paramātmani bhāvavṛttiḥ
yoge'nuraktiradhikā parato'nuvānaprasthāśramānusaraṇaṃ kila pañcamaṃ syāt
3.5-2
karaṇaṃ satsaṅkūpūrvakaparamātmadhyānasādhanaṃ yogābhyāsābhyasanaṃ vānaprasthāśramadhāraṇañca pañcamaṃ satyam
3.6
vairāgyayogavaśato viratiprabhāvāt
saṃnyāsāśramadhāraṇamastikaramutra bhāve
vedāntaśāstrapariśīlanamātmabuddhyā
ṣaṣṭhaṃ samādiśati satyamalaṃ svabhāvāt
3.7
vijñānapūrvakamanarthaparāṅmukhatvaṃ
janmādibandhanavibhañjanabhāvukatvam
saṅgānulabdhabahudoṣanirākṛtiśca
saṃbodhayatyanugamādapi saptamaṃ tat
3.8
kleśotarātiguṇabhāvamitā parastād
bhūtānyatītya paramātmapathaṃ diśantī
svārājyasiddhiriti yā kila mokṣamūlā
tatprāptiriṣṭamudāharati sma satyam
3.6-2
satyāṣṭakaṃ hṛdi vicārya manuṣyaloke
śrīvarttamānakaviratnakṛtaṃ manuṣyāḥ
ye ye svakāryyamanuyānti vidhipradiṣṭaṃ
te te parābhavapadaṃ na hi yānti daivāt
Commentaries (1)
- Satyārthaprakāśa — Akhilānandaśarman, Sanskrit