Laghukavyasangraha 4
Laghukāvyasaṅgraha 4
- Language
- Sanskrit
4.1
iti śrīmadvarttamānakaviratnā'khilānandaśarmapraṇītaṃ
saṭīkaṃ satyāṣṭakaṃ pūrttimagāt || o3m
ataḥ paraṃ gappavarṇānakāvyaṃ prārabhyate yasyāyamādyaḥ
ślokaḥ:—
vyāsena sūtraracanāpaṭunā na yāni
sampāditāni racitāni ca yāni dhūrtaiḥ
aṣṭādaśāpi kila tāni purāṇakāni
mithyeti doṣabharitāni vidantu vijñāḥ
4.2
pāṣāṇamūrtimadhiropya kṛtāsti loke
yā mandireṣu manujānukṛtipratiṣṭhā
sā vedamārgavihitā na, tato viruddheretaddvitīyamapi gappamalaṃ vicāryam
4.3
śaivaṃ jinendramatamanyadataḥ pṛthivyāṃ
rāmānujādimanujairupakalpitaṃ yat
śrīvaiṣṇavādikamanantavipattimūlaṃ
sarvaṃ mṛṣeti paricintya parityajantu
4.3-2
brahmādiproktajātaṃ parikalpitamasti, tatsarvaṃ mithyā duḥkhamūlamiti matvā sarve parityajantu
etadeva tṛtīyaṃ gappamiti vidāṃkurvantu
4.4
yairatra viśvavalaye narakonmukhāni hiṃsāparāṇi balidānamayāni yannāt
vistāritāni vikṛtāni ta eva sarve tantrādayopi pariheyatayā vivecayāḥ
4.4-2
mahāśaya vidvān na dekheṃ| yahī svāmī jī ne cauthā samullāsa batalāyā hai
4.5
yatsevanena parinaśyati śīghrameva
loke matirmatimatāmapi sarvathaiva
madyāhiphenatrijayākutamālajātaṃ
sarvaṃ tadāryapuruṣaiḥ pariheyamārāt
4.6
yoṣāṃ vihāya nijadharmaratāṃ parastrī
saṃbhogapāpaparivardhanadattabhāvāḥ
ye ye jagatyanudinaṃ vicaranti te te
dhūrtā iti svahṛdayeṣu vicārayantu
4.7
dhūtaṃ tathā paranindanamātmabhāvaścauryaṃ kusaṅgaiti lokatale niṣiddham
yadyatpravṛttamalamasti tadeva sarvaṃ mānyairjanairanudinaṃ pariheyameva
4.8
mithyāvikatthanaparāpaguṇānuvādamātsaryarāgaparavañcakatācchalāni
bodhyāni dharmaniratairiduḥkhahetubhūtāni gappamidamaṣṭamamuktamārāt
4.9
etanmayā nigaditaṃ laghukāvyaratne
gappāṣṭakaṃ yaduditaṃ munināpi harṣāt
naijeṣu buddhipaṭaleṣu vilikhya sarvaiḥ
rālocayametadanukūlatayaiva heyam
4.9-2
muninā dayānandena bhāṣayā nirdiṣṭaṃ tadgupāṣṭakaṃ kāvyarūpeṇa mayoktam| tadetatsarvaṃ vicārya
nijanijadharmānuratā bhavantu| pūrvoktagappāṣṭakād
dūranaraṃ nivartantviti bhāvaḥ
Commentaries (1)
- Satyārthaprakāśa — Akhilānandaśarman, Sanskrit