The Hundred Verses of Amaru 50

50

tanvyā tatkālameva parāṅmukhatvenānyato vivṛttayā bāṣpotpīḍo niḥśvāsapūrvamuktaḥ | kiṃ kṛtvā | ityudīrya | iti kim | sarvamidamaṅgatānavādikaṃ svabhāvādeva | kva sati | prāṇe śvare mayā saha yathākathaṃcideva vāgvibhraśaṃ karotvityanusaṃdhāneneti paryanuyuñjāne | iti kim | he manohare, avayavānāmatikāryaṃ kasmādetat | kutaścedaṃ pāṇḍugaṇḍaphalakaṃ mukham | katham | akasmāt | ko'bhiprāyaḥ - mayā te śarīradaurbalyapāṇḍukapolasadṛśaṃ kimapi na ceṣṭitamastīti svāparādhāpahnavaḥ | prāṇeśvaraśabdasya cāyamabhiprāyaḥ - ya eva prāṇeśvaraḥ sa eva yadyudāsīnavatpṛcchati tadā jīvitavyasya kiṃ kāryamiti | ata eva niḥśvāsapūrvamanyato bhūtvāśrumokṣaḥ kṛtaḥ | vyājoktiralaṃkāraḥ | yaduktam- 'vyājoktiśchadmanodbhinnavasturūpanigūhanam' | yathā- 'śailendrapratipādyamānagirijāhastopagūḍhollasadromāñcādivisaṃsthulākhilavidhikyāsaṅgabhaṅgākulaḥ | hā śaityaṃ tuhinācalasya karayorityūcivānsasmitaṃ śailāntaḥpuramātṛmaṇḍalagaṇairdṛṣṭo'vatādvaḥ śivaḥ' ||
kaścitkupitanāyikāprasādanāmbhanirupāyaḥ kasyāpi rahaḥsahacarasyāgre nivedayati-