Samkshiptaramayana 3

Saṃkṣiptarāmāyaṇa 3

Language: Sanskrit

3.31 — 1 part

3.1

āraṇyakāṇḍaḥ
praviśya rāmo vipinaṃ salakṣmaṇaḥ kṣatatajāmbūnadavarṇayā śriyā
cacāra dhanvī gagane marutsakhaḥ sahendracāpastaḍiteva toyadaḥ

3.2

virādhanāmātha niśācarastayornirudhya mārgaṃ varadānadarpitaḥ
striyaṃ prasahyāpaharan raghūdvahapratāpavahnau śalabhatvamīyivān

3.3

upasthitaṃ śakramapi prayāpayan priyātithiṃ rāghavamarcayanmuniḥ
samakṣamasyaiva tanuṃ tyajandivaṃ surārcito'gāccharabhaṅga ātmavān

3.4

tataḥ sutīkṣṇāśramametya tatra te susatkṛtāstena phalādibhistrayaḥ
sukhena tāṃ nyuṣya niśāṃ paredyavi praṇamya tenānumatāḥ pratasthire

3.5

samudravindhyāvagate gabhīrimonnatī viruddhe api yatra susthite
tamāśramasthaṃ munimetya bhaktito nanāma rāmo nijanāma kīrtayan

3.6

vilokya devāyatanāni vismitaṃ hutāgnirenaṃ vidhivatsamarcayan
dadāvagastyo'mitadīpti vaiṣṇavaṃ dhanuḥ sa tasmai saniṣaṅgasāyakam

3.7

tadāśramātpañcavaṭīṃ dviyojanāṃ tadājñayā dāśarathirvrajanpathi
sametya gṛdhrādhipatiṃ jaṭāyuṣaṃ pituḥ sakhāyaṃ pitṛvanmamāna saḥ

3.8

sahaiva tenaitya vivakṣitaṃ sthalaṃ same pradeśe sahajena nirmitām
sa parṇaśālāṃ sukhamāvasatsamaṃ videhaputryā tridivaṃ yathāmaraḥ

3.9

śaratsu bahvīṣu gatāsu haimane vagāhanāyāpararātra utthitaḥ
godāvarīṃ sa priyayā saha vrajannūce'nujenānugatena rāghavaḥ

3.10

himāgame'smin jaḍavātaduḥsahe duḥsparśatoye bharato bhavāniva
sarvātmanānuvrata āryamāryadhīrdhruvaṃ jalaṃ sāravamadya gāhate

kiṃ tvasya mātā dayitā pituśca naḥ kathaṃ nvanāryaivamabhūditīrite
na mātaraṃ garhaya taṃ tu toṣṭuhi tvamityaśāttaṃ priyabāndhavo'nujam 11
athāśrame rāmamupasthitāśarī sudurbhagā vai subhageva kāmukī
jihīrṣurāryāṃ vitathe manorathe nirākṛtā vigrayatānujanmanā

3.13

narāśaṃkātatsvasṛvaikṛtaṃ vidan ruṣā janasthānacaro niśācaraḥ
balaṃ samastaṃ tarasābhisārayan kharo raṇāyaabhisasāra rāghavam

3.14

dhvaniṃ dhvajinyā rajanīcareśiturdravantamāśādhvani sādhvasādripum
tadānumāyeva haṭhādavapluto rurodha taṃ rāmaśarāsanadhvaniḥ

3.16

ghnato'pi rakṣāṃsyanayo na hi prabhoryadraktarūpā vividhāstadutthitāḥ
yutāḥ surībhiśca payodhibhiḥ priyāḥ sarvaṃ hitāyaiva mahatsamīhitam 15
balaṃ nirīkṣya svabhujāvaśeṣitaṃ kharastadā roṣakaṣāyitekṣaṇaḥ
śarairabhāṅkṣīdraghunāthakārmukaṃ punastathānyaiśca tanutramacchidat

3.17

rāmo gṛhītvā kavacī śarāsanaṃ saṃ vaiṣṇavaṃ jyāmadhiropayan kṣaṇāt
udghoṣayankuṇḍalayāṃbabhūva tattadā kharasyāpyabhito lipiṃ vidhiḥ

3.18

dṛṣṭvā janasthānamakaṇṭakīkṛtaṃ rakṣaughnamantraṃ yudhi vīrarāghavam
atīva hṛṣṭā vavṛṣustathā surā yathāvacīyeta sumaṃ suradrume

3.20

niśamya vṛttaṃ nikhilaṃ svasurmukhānniśācarāṇāmadhipo'tha rāvaṇaḥ
nijaghnuṣaḥ svānsuhṛdaḥ pratikriyāṃtadīyābhāryāharaṇaṃ sma manyate 19
mārīcamāsādya tadarthamekakastapasyatā tena yathārhamarhitaḥ
niveditābhyāgamahetunā bhṛśaṃ taptena pathyārthamabodhi rāvaṇaḥ

3.21

jijīviṣā cejjananīva jānakī saṃmānanīyā dayitā kharadviṣaḥ
tathānubhūtaṃ hi mayaiva tadbalaṃ bibhemi rephādipadaśruteryathā

3.22

tanmā kṛthā durmatimanyathā punarna tvaṃ na cāhaṃ na ca rakṣasāṃ kulam
ityādikaṃ bījamivoptamūṣare vyarthaṃ vidanhemamṛgo babhūva saḥ

3.23

avetya tasminhariṇe hiraṇmaye priyābhilāṣaṃ raghunāyako yadā
tamanvadhāvīdiṣucāpabhṛttadā svayaṃ ca labdhāvasaraḥ paretararāṭ

3.25

rābhāsrataḥ puṇyajano bhavannayaṃ tvākranda hā jānaki lakṣmaṇeti ca
kusumbho viṣṇuḥpadaṃ magno'pi sannaho jagattyāṃ patitastadābhavat 24
tadārttaśabdākulayārthayerite gate sumitrābhuvi rāghavāntikam
jahāra sītāṃ vijane sa rāvaṇo haṭhājjigīṣorasubhirjaṭāyuṣaḥ

3.26

athānyamākrandamakindatīṃ miyā cokuśyamānāṃ patimātmadaivatam
atarkite śokamahaudadhau plutāmaśokamenāmanayo'nayatsvayam

3.30

salakṣmaṇastvāśramametya rāghavo vilokya śūnyaṃ dayitāṃ tatastataḥ
vicitya vikruśya vilapya cāsakṛnmumoha kutrāpyanavāpya tadgatim 27
sa labdhasaṃjñaḥ sahalakṣmaṇo vane caran jaṭāyordaśayā vraṇe hataḥ
tamuttamāṃ saṃskriyayā gatiṃ nayan kṛtānukārī tadṛṇādamucyata 28
videhaputryā vicicīṣayā punaḥ pratasthuṣoḥ dakṣiṇakānanaṃ tayoḥ
nirudhya mārga niśicaryayomukhī virūpaṇācchūrpaṇakhāsakhīkṛtā 29
bhujau kabandhasya nikṛtya hiṃsakau tadīyadehaṃ praṃdare dahanvibhuḥ
vidhūya śāpaṃ divamārurukṣatā tenopadiṣṭarāṃ padavīmaśiśriyat

3.31

saparyāṃ svīkurvannatha pathi śabaryā viracitāṃ
sasodaryo bhāryāvirahabhṛśaparyākulamatiḥ
atīva svacchāmbhaḥ surabhivanavātaṃ pikaravaiḥ
saraḥ pampāmikhyaṃ virahijanakampāvahamagāt

3.31.p1

itiśrīmuddusubbakaviviracite saṃkṣiptarāmāyaṇe || araṇyakāṇḍaḥ