Ramashtaprasa 17

17

kacchaḥ jalasamīpavṛttideśaḥ . 'kacchamanūpe' iti bopālitaḥ . tatrādhirūḍhā utpannā
atasī puṣpaviśeṣaḥ tasyāḥ gucchaṃ mañjarī tadiva aṅgaprabhā yasya tasya saṃbodhanam .
mama antaraṃ cañcalacitaṃ samāgaccha viśa . aṇutvātkathaṃ mardanaṃ saṃbhavatīti pṛcchāṃ
mā kuru . adrisadṛśaṃ tat sītāpariṇayapaṇanabhūtaṃ śāmbhavaṃ kārmukaṃ dhanuḥ bhavān
nācchānatki nacchinnavān kim . khaṇḍitavānevetyarthaḥ . 'cho chedane śyani luṅrūpam . aṇuṃ
yatnāt mardaya . anavayanitvādeva cchedo na prārthitaḥ kiṃtu mardanameva ..
ūhante niyamena yaṃ niyamino gehaṃ viśanto guhāṃ
yo haṃsākṛtirasti dehiṣu caturvyūhaṃ ca gṛhṇāti yaḥ .
dehaṃ cendriyamaṇḍalaṃ ca pṛthagevāhaṃ padārthādvida-
nso'haṃ bhāvanayā bhaje tamadhunā mohaṃ vinā rāghavam ..17..