Ramashtaprasa 46_49

46_49

tandyā ālasyena . 'tandrī pramīlā' ityamaraḥ . varjite rahite ye nṛttagīte tayoḥ mati-
bhājaḥ atyāsaktāḥ yāḥ indrāvarodhāṅganāḥ indrāntaḥpurastriyaḥ . bhūbhujāmantaḥpuraṃ syādaya-
rodhanam' ityamaraḥ . rambhādyāḥ mandrārabdhaḥ mandreṇa smara viśeṣeṇa ārabdhaḥ yaḥ vipañcikā-
svaraḥ vīṇāsvaraḥ . 'vīṇā tu vallakī . vipañcī' ityamaraḥ . tasya jharyā pravāheṇa sāndrāvadattaḥ
adhikatayā kṛtaḥ stavaḥ stotraṃ yasya tam. candrāliptabhujāntaraṃ candreṇa karpūrādiviśeṣeṇa .
'candraḥ karpūrakāmpillasudhāṃśusvarṇavāriṣu' iti medinī . āliptaṃ bhujāntaraṃ vakṣaḥ yasya tam .
smaraṇataḥ smṛtvā nṛṇāṃ manuṣyāṇāṃ aghaṃ pāpam . 'eno'ghamaṃhaḥ' ityamaraḥ . drāvayantaṃ
nivartayantam . candrāpīḍaśaratsabhaṅgacaturaṃ śivadhanuḥkhaṇḍanapaṇḍitaṃ manaḥ drāk jhaṭiti
upāste . mameti śeṣaḥ..