Ramashtaprasa 96

96

śambālaṃkṛtapāṇiḥ indraḥ tena varṇitaḥ śarastambaḥ śarasamūhaḥ yasya . pāyonidheḥ samudrasya
jambālīkaraṇeṣave jambālīkaraṇaṃ paṅkīkaraṇam . janakajābimbādharāsvādine marutāṃ devānāṃ
saṃbādhe saṃmardai ambānāthajuṣā saśivena abjajena brahmaṇā uktātmane uktaḥ ātmā paramātma-
svarūpaṃ yasya . rāvaṇavadhānantaraṃ brahmā rāmaṃ astauṣīditi rāmāyaṇakathā . kumbākārakapibra-
jāya atinibiḍavānarasenāsamāvṛtāya . 'kumbā sugahanā vṛtiḥ' ityamaraḥ . karuṇālambāya
tasmai namaḥ..
śārīradyutirekhayā rucirayā dūrīkṛtāmbhodharaṃ
vārīśasmayabhañjanaṃ ghanakṛpāśārīvihāradrumam .
gaurīnāthadhanurdvahaṃ padarajonārīkṛtaprastaraṃ
mārīcadviṣamārtarakṣaṇakalāpārīṇamīḍe vibhum .. 96 ..