Andhra Mahabharatamu 3.1.210

3.1.210

సీ. విమలహర్మ్యంబుల విహరించువారలఁ | బ్రియమహార్హాసన శయనరతులఁ
జందనాగురులిప్త చారుసర్వాంగుల | నతనరనాథసేవితుల మిమ్ము
వనమునఁ గ్రుమ్మరువారిఁగాఁ గుశబ్రుసీ | శయనాభిరతులఁగా నియతరూక్ష
భూరేణుధూసరీభూతవిగ్రహులఁగా | ద్రుతవన్యమృగ నిషేవితులఁ గాఁగ
ఆ. నిట్లు సూచి చూచి యే నెట్లు చిత్తోప | శాంతి సేయుదాన? సకల భోగ
విషయవిరతిఁజేసి విధియును ధృతరాష్ట్రు | నట్లు మీకు నహితుఁడయ్యె నొక్కొ!