Andhra Mahabharatamu 3.3.259

3.3.259

వ. అనిన నింద్రుండు వానిం జూచి ‘యేను నీయట్ల యఘటమానంబైన యర్థంబునందు యత్నంబుఁ జేసెద’ నని నిజరూపంబుఁ జూపి ‘యిట్లు నిరర్థకప్రయాసం బేల చేసె? దుడుగు ‘మనిన ‘నే నెట్లు నుడుగ; నాయభిమతంబు సఫలంబు సేయవలయు’ నన యవక్రీతుండు శక్రువలనం దనయభిమతంబు వడసి, తత్ప్రకారంబుఁ దండ్రికిం జెప్పిన విని భరద్వాజుఁడు కొడుకుగర్వంబు సహింపక దేవగీతలైన గాథల యర్థంబు వానికి నిట్లని చెప్పె.