Andhra Mahabharatamu 3.4.76

3.4.76

సీ. ‘అసురులవలన భయం బైన యపుడు వే | ల్పులకు సేమంబుగా బలవిరోధి
యీప్రోలు జలధిలో నిమ్ముగ నిర్మించె; | దనుజులు పదపడి వనజగర్భు
వలనఁ దపోవీర్యవంతు లై యిందుండ | నమరులచేతఁ గయ్యమున నజితు
లై యుండఁ బడసిన, నమరేంద్రుఁ డెఱిఁగి త | ద్విజయార్థముగఁ బంచె విజయ! నిన్ను;
ఆ. నమరులకు నసాధ్యు లైనట్టి వీరల | నీవ యోర్చి’ తనుచు నెమ్మితోడ
నన్ను సంస్తుతించి నరనాథ! మాతలి | గడఁగి యపుడు రథముఁ గ్రమ్మఱించె.