Andhra Mahabharatamu 3.5.39

3.5.39

సీ. సత్యహితాలాప చతురత యర్హంబు, | సంతత సుజన పూజనము వలయు,
విను కామసంరంభవిద్వేషములఁ జేసి | మతి గలంగినను ధర్మంబు దప్పఁ
ద్రొక్కక నడచు టత్యుత్తమసరణి; య | ప్రియములయందును బ్రియములందు
దైన్యహర్షంబులఁ దగులక యున్నట్టి | కల్యాణవర్తనకాంక్ష లెస్స;
తే. యెగ్గు సేసినవారికి హితము సేఁత | యార్యజనములు గీర్తింతు; రన్యదోష
కారి దనపాపమునఁ దాన కాలిపోవు; | వేఱ వానికిఁ గీడు గావింప నేల?