Andhra Mahabharatamu 3.7.86

3.7.86

సీ. అనిలతనూజ ధూమ్రాక్ష రక్షిత సైన్య | యుగ్మంబునకు నయ్యె నుగ్రసమర;
మందు నిష్ఠురచరణాఘాతముల డొల్లు | నరదంబులును, శిలాహతులఁ దూలి
యొఱలు నేనుంగులు, నుత్తాలతరుహతిఁ | ద్రెళ్లు ఘోటకములు, దీవ్రనఖర
దంతక్షతంబుల దళితాంగులై నేలఁ | బడి తన్నికొను వీరభటులు నగుచు
ఆ. నధిక శౌర్యసారులగు కపివీరుల | చేత నొచ్చి దైత్యసేన భీతిఁ
బఱచెఁ గొంత, బెండువడి యుండెఁ గొంత, ధూ | మ్రాక్షువెనుక కొదిఁగె నంతఁ గొంత.