Andhra Mahabharatamu 4.2.52

4.2.52

సీ. ‘నెత్తమ్మిరేకుల మెత్తఁదనము దెచ్చి | యచ్చునఁ బెట్టిన ట్లంద మొంది,
చక్రవాకంబుల చందంబు గొనివచ్చి | కుప్పలు సేసిన ట్లొప్పు మెఱసి,
చందురు నునుఁగాంతి కం దేర్చి కూర్చి బా | గునకుఁ దెచ్చిన యట్లు కొమరు మిగిలి,
యళికులంబుల కప్పు గలయంతయును దెచ్చి | నారు వోసిన భంగి నవక మెక్కి,
తే. యంఘ్రితలములుఁ, గుచములు, నాననంబుఁ, | గచభరంబును నిట్లున్న రుచిరమూర్తి
యనుపమాన భోగములకు నాస్పదంబు | కాదె? యీ త్రిప్పు లేటికిఁ గమలవదన?’