Andhra Mahabharatamu 4.2.86

4.2.86

సీ. ‘లీల నాముందట నా లేమ పొలసినఁ | జూడ్కికిఁ జుబ్బనచూఱగాదె!
కనువిచ్చి నన్ను నా తనుమధ్య సూచినఁ | దనువున కమృతసేచనము గాదె!
చిఱునవ్వు బెరయ నచ్చెలువ నా తోడఁ బ | ల్కినఁ జెవులకు రసాయనము గాదె!
యెలమి నమ్మెలఁత నన్నెలయింపఁ దివిరిన | నెడఁద కానందంబు నిక్క గాదె!
తే. యా నితంబిని మక్కువ ననఁగి పెనఁగి | యింపు పొంపిరివోవ న న్నేలికొనఁగఁ
దలఁచి పొందిన నది జన్మఫలము గాదె!’ | యనుచు వలరాజు బారికి నగ్గమయ్యె.