Andhra Mahabharatamu 4.4.210

4.4.210

సీ. శక్రాది సురలతో సంగ్రామ మొనరించి | ఖాండవం బేర్చె నొక్కరుఁడ కాఁడె!
యాదవ బలమెల్ల నాఁగఁ ద్రోచి సుభద్రఁ | గడిమిమైఁ దెచ్చె నొక్కరుఁడ కాఁడె!
దిగ్విజయంబునఁ దేజంబు చేసె ని | క్కురువంశమునకు నొక్కరుఁడ కాఁడె!
బలముతో గంధర్వపతి నోర్చి విడిపించెఁ | గౌరవేశ్వరుని నొక్కరుఁడ కాఁడె!
ఆ. అని నివాత కవచులను దానవుల నాతఁ | డొక్కరుండ కాఁడె యుక్కు మడఁచె;
నమరులకు నజేయులగు కాలకేయుల | నొక్కరుండ కాఁడె యొడిచెఁ గర్ణ!