Andhra Mahabharatamu 4.4.243

4.4.243

సీ. దేవదత్తాభీలరావంబు వెసఁ గర్ణ | ముల దీటుకొన, లేట మొగము పడుచు,
రథనేమి దళిత ధరాధూళి యంగంబు | లెల్లఁ గప్పఁగ వెలువెల్ల నగుచు,
బహుళ కపిధ్వజ ప్రభలు లోచనములు | మిఱుమిట్లు గొనఁ బర్వ మేడుపడుచు,
నుద్భటాకార సముద్ధతి మనము లు | త్తలపాటు దోఁపంగఁ దల్లడిలుచు
తే. నడచు కౌరవరాజు సైన్యంబుఁ గదిసెఁ | దీఁగ దిగిచినగతిఁ దనతేరు మెఱయ
రయముమైఁ జని ప్రళయ భైరవ సహస్ర | గర్జనోదగ్ర తర్జనుఁ డర్జునుండు.