Andhra Mahabharatamu 5.3.175

5.3.175

సీ. ‘ప్రాణంబుతోఁ గూడ రక్కసి చన్నుల | పాలు ద్రావిన ప్రౌఢబాలుఁ డితఁడె!
వ్రేల్మిడిఁ జాణూరు విఱిచి లోకముల మె | చ్చించిన యా జగజెట్టి యితఁడె!
దుర్వృత్తుఁడగు కంసుఁ దునిమి యాతని తండ్రిఁ | బట్టంబు గట్టిన ప్రభు వితండె!
సత్యభామకుఁ బారిజాతంబుపైఁ గల | కోర్కిఁ దీర్చిన రసికుం డితండె!
తే. వెన్నలును గోపికాచిత్త వృత్తములును | నరసి మ్రుచ్చిల నేర్చిన హరి యితండె!
శ్రుతిశిరోభాగములఁ దన సుభగచరణ | సరిసిజామోదమును గూర్చు చతురుఁ డితఁడె!