Andhra Mahabharatamu 5.3.35

5.3.35

సీ. అనిన ముకుందుఁ డిట్లనియె; ‘సంజయుని మా | టలును నీవన్న పల్కులును వింటి;
నీమది ధర్మైకనిష్ఠమై నున్నది; | వైరంబు విడువరు వారు; ద్రోణ
భీష్ములు గలరని బిరుదులై యున్న వా; | రగునె రాజన్యుల కడఁగి కుడువ?
నక్లేశవృత్తి రాజ్యము చవి గొన్న వా | రేల యిత్తురు నీకుఁ బాలు సెపుమ!
తే. ధార్తరాష్ట్రులు సడికి నధర్మమునకు | నలుక రెన్నఁడు; విడువు దైన్యంబు; పొడువు
కయ్య మరివర్గ జయమునఁ గలుగు నిహ ప | రములుఁ జిరకీర్తియును బాండురాజతనయ!