Andhra Mahabharatamu 5.4.116

5.4.116

సీ. బీఱెండ తాఁకున బీఁటలు వాఱిన | పచ్చిగోడల మాడ్కిఁ బగిలె దిశలు,
కాఁగిన యెసరుల కరణిఁ బొరిం బొరి | శరనిధు లుప్పొంగి పొరలఁబడియెఁ,
గలముపైఁ గీలించి గాలి కెత్తిన చాఁప | వోలె మిన్నంతయు బూరటిల్లెఁ,
గులపర్వతావళి కులిశభయంబున | బెదరి వాపోవున ట్లెదురుసెలఁగె,
తే. ధాత్రి కుమ్మరి సారె విధమునఁ దిరిగెఁ | జిత్రరూపులభంగి నిశ్చేష్టితంబు
లయ్యె సర్వభూతములుఁ బ్రయాణభేరి | భూరి నిష్ఠుర ఘోరభాంకార మడర.