Andhra Mahabharatamu 5.4.139

5.4.139

సీ. అరిభయంకరుఁడు ద్రోణాచార్యుఁడును, రణో | త్సాహ లంపటుఁడు రాధాసుతుండు,
శరతత్త్వవేది యశ్వత్థామయును, భూరి | బాహా విలాసుండు బాహ్లికుండు,
శౌర్య వైభవశాలి శల్యుండు, ధైర్యసం | పన్నిధి కృపుఁడును, బ్రకటశక్తి
సార దుర్జయమూర్తి భూరిశ్రవుండును, | దర్పోజ్జ్వలుండు గాంధారపతియు,
తే. నుగ్రతేజుండు గృతవర్మయును, బ్రతాప | ఘనుఁడు కాంభోజుఁడును, బరాక్రమధనుండు
సింధురాజును బతులుగాఁ జేయఁగోరి | కొనఁగఁ దగువార లగుదు రక్షోహిణులకు.’