Andhra Mahabharatamu 5.4.29

5.4.29

సీ. ‘నీవు వృద్ధజనోపసేవివి, ధర్మసం | వేదివి, తెలియంగ వినుము; సిద్ధ
మంత్రబలంబున మార్తాండు వరమునఁ | గన్నియ తఱి గొంతి గన్నవాఁడ
వగుటఁ బాండునృపాలు నగ్రసుతుండవు; | ధర్మమార్గం బిది; ధర్మతనయుఁ
డాదిగాఁ గల తమ్ములందఱు నా చేత | నెఱిఁగి నీ యడుగుల కెఱఁగి సకల
ఆ. పుత్త్ర మిత్త్ర బంధు భూరిసేనా సమ | న్వితముగాఁగఁ గొలిచి నిన్ను రాజ్య
భారవహనమునకుఁ బట్టంబుగట్ట ను | జ్జ్వలుఁడ వగుదు; రమ్ము వారికడకు.