Mahabharata p198
Jñānadīpikā p198
- Language
- Sanskrit
p198
[Fol. 113a]⁹...rmakām || (13) yānyabhāṣanta tenoktena | bhāve kta-pratyayaḥ || (15) atyarthaṃ parityāgaḥ sarvaparityāgaḥ | pañcagrāmaprārthanā parivartanahetutvena kiṃtu tadatyāgenānyāyitā lokaprasiddhā duryodhane syāditi || (17) yogaḥ saṃhananam || (18) kilakilā kolāhalaṃ bhūtaṃ prāptam || (19) niṣṭanan krandan || (20) yadarthaṃ yannivṛttaye | prayatnataḥ¹⁰ prayatne vanavāsādi[rūpe] vyarthe¹¹ sati || (21) yasmin saṃdhau | prayatnataḥ prayatne satyeva | yadarthaṃ yatitaṃ tanna labdham, yadarthaṃ svapne'pi na yatitaṃ tatprāptamityarthaḥ || (22) avakṣyaiḥ saha ityanvayaḥ || (25) tau kuntīvidurau na ca adharmaṃ vakṣyataḥ | ayuddhato¹² yuddhābhāvādeva, yuddhasyāvaśyaṃbhāvitvāt ||