Mahabharata p52

p52

(9) atikramya gurūnnapi...stvamiti vāk ativādaḥ | sarvāpekṣayā svasmin guṇāropaṇam atimānaḥ | atyāgo dānakāle'pyadānam | atyāśaḥ iti pāṭhe atyāśā a...nam | krodhaḥ apakartari hantavya iti bhāvaḥ | pareṇa krudhdastatpratikriyecchā anuvidhitsā⁵ || (11) viśvastasya mamāyaṃ bhāryāṃ rakṣiṣyatīti pratītasya kṛtapratyayasya | talpa⁶ śabdenātra tatsthā⁷ strī lakṣyate | vṛṣalī dvijasya prathamoḍhā śūdrā| pānaṃ surā| pratīkamuccārya taccheṣapāṭhārthaḥ || (223 ) ādeśa [Fol. 35a] kārī ādeśakṛt | vṛttihantā jīvanacchedakaḥ || (12) sametya saṅgaṃ kṛtvā (13)vadānyo dānaśīlaḥ|anapaviddhavākyaḥ paravacanamanākṣipan|pitṛdevamanuṣyopabhuktādanyad annaṃ śeṣam || (18) prātipeya⁸ pratīpakulasaṃbhava || (19) gṛhamāno rakṣan || (20) bhaktasya sevamānasya | hite ādimadhyānte'nukūle ratasya svabhāvapravṛttasya || (21) saṃjighṛkṣet saṃgrahītumicchet | ucitamavaruddhaṃ yeṣām || (22) kṛtyāni kośarakṣaṇādīni | pūrvaṃ sevārambhakāle | pari varjane saṃ samyaktve khyā prakathane | idaṃ tvayā karaṇīyamidaṃ ca na karaṇīyamiti prakathya | āyavyayau parisaṃkhyāya ityanvayaḥ | anurūpāṃ sevakajātyādyucitām || (23) atandrīḥ analasaḥ || (24) nādriyate na śraddhatte | pratyāha nirākaroti || (25) astabdham agarvam | aklībam akātaram | adīrghasūtraṃ kṣiprakāriṇam | sānukro [Fol. 35b] śaṃ sakṛpam | ślakṣṇam akarkaśam | ahāryam abhedyam | arogijātīyam⁹ arogikulotpannam | udāravākyam adīnavacanam || (26) vikāle anavasare pradoṣe | rājakanyāṃ¹⁰ yoṣinmama bhaveti prārthayeta || (27) nihnava sam | gatasya militasya | satragatasya¹¹ iti pāṭhe channinaḥ | saṃsṛṣṭaḥ śatruṇā milito mantro yasya | kusaṃgatasya kutsitaiḥ saṃgatasya | vyapadeśaṃ vyājam | anyasmin cikīrṣite'nyadbrūyāt tacca sakāraṇamityarthaḥ || (28) ghṛṇī karuṇāvān | sa hi karuṇākṛttairdānairnirdhanaḥ | rājā ca kathaṃcidvasaralābhe'pi kare prapātanaṃ kuryāt | puṃścalī prārthya-