Mahabharata p60

p60

(1) asajjamāno avilambamānaḥ | śaktimahāpayitvā śakterdhanādirūpāyāḥ saṃkocamakṛtvā | taṃ dātāraṃ yaśaḥ samupaiti | prapannasya bhaktasya yaśaḥprabhṛtisukhahetave alaṃ samarthāḥ santa ityarthāntaranyāsaḥ || (2) anupākaṣṭraḥ aninditaḥ || (3) samutkarṣe guṇānāmatiśaye | anṛtaṃ tadapahārī mithyāvādaḥ | paiśunaṃ piśunasya karma || [Fol. 42b] [guroḥ] pitrādeḥ alīkasya mithyācaritasya nirbandhaḥ prakāśanodyamaḥ || (4) asūyā doṣāropo guṇeṣvapi, tasya ekameva padam | mṛtyuḥ liṅgasākṣikadehayorviyogaḥ | ativā[do bahubhāṣaṇaṃ nindā vā | aśruśrūṣā śrotumanicchā gurorparicaryā vā | tvarā bahukālajñeyasya svalpena kālena jñātumicchā | ślāghā svaguṇakīrtanam || (7) āśā lobho dhairyāccyāvayati | samṛddhimaṇimādivibhūtim | antakaḥ antarāntā | athavā samṛddhiṃ śriyam antako yamastadbhoktunayanadvāreṇa hanti | kadaryatā dānabhogayorabhāvaḥ || (8) ratho vāhanopalakṣaṇam | madhvākarṣaḥ kṣaudragrahītā | śakuni viṣaparīkṣakaśvakorādiḥ pakṣī | śrotriyo janmasaṃskāravidyāsaṃpannaḥ | vṛddho jñānavṛddhaḥ | avasanno dhanahīnaḥ || (9) ajokṣā chāgaḥ | viṣaṃ [Fol. 43a]... | audumbaraṃ tāmram || (10) dhane sādhūni dhanyāni || (11) sarvaparaṃ sarvebhya utkṛṣṭam || (12) nityo dharmaḥ paraṃparayā nityamokṣaprāptihetutvāt | jīvaḥ kṣetrajñaḥ | dhātuḥ śarīraṃ śleṣmādidhātvārabdhatvāt | anityān sukhaduḥkhadehādīn | pratitiṣṭhasva ekāgrībhava | nitye kṣetrajñe | saṃtuṣya saṃtoṣaṃ kuru | labdhvā kṣetrajñādanyannālaṃ buddhiṃ kuruṣvetyarthaḥ | toṣaścāsau paraśceti toṣaparaḥ || (17) lokyata iti lokaḥ dehaḥ | ūrdhvaṃ prāptukāmaḥ amuṣya prāptasya dehasya adhaḥ arvāk | mahattamaḥ tattvājñānarūpam andhakāram indriyajñānaviraharūpam | tat tattvājñānaṃ vai prasiddham indriyāṇāṃ mahāmohanam iti | [prasa] het abhibhavet || (18) idaṃ vaco niśamya pratipattuṃ śakṣyasi ityanvayaḥ || (19) ātmā cidrūpo nadīva nadī tāpanivartakatvāt | puṇyaṃ tīrtham avatāramā[Fol. 43b]rgoyasyāḥ | satyameva udakaṃ yasyāḥ, pāpakṣālanahetutvāt | dhṛtiḥ avasādavirodhī manodharmaḥ | saiva kūlaṃ manaḥprasaranirodha-