Mahabharata p67

p67

sthayā virodhaṃ pariharannāha-mohād iti | ātmanaścitsadānandarūpatvena jñānam2, tato dehādirūpatayā viparītajñānaṃ mohaḥ | tato dehavicchedātsvocchedabhramo maraṇamityaupādhiko mṛtyuḥ | kavīnāṃ paṇḍitānām, devāsurāṇāmiti yāvat | upādhau sva[Fol. 45a]matamāha-pramādam iti | pramādo brahmajñānasādhanānāṃ yamaniyamādīnāmamananuṣṭhānam | vai prasiddhau | naisargikamāhaapramādaṃ brahmaṇyekāgratā | sadā yāvajjīvam | amṛtatvaṃ mṛtyorabhāvam | ityupādhinisarganiveśitayā mṛtyorabhāvabhāvayoravirodham || ( 5 ) parābhavan mṛtāḥ | brahmabhūtā brahmaprāptāḥ | mṛtyoraśarīratvaṃ sapramāṇakamāha-na vai mṛtyuḥ iti | vyāghra iva śarīrī | yadi śarīrī syād vyāghrasyeva mṛtyorapi rūpamupalabhyeta | tasmādanupalabdhereva pramāṇābhāvaḥ | hi-śabdo'nupalabdheḥ sarvajanaprasiddhatāṃ dyotayati || ( 6 ) pakṣāntaramāha-yamam iti | ato mohapramādābhyāmanyaṃ yamaṃ mṛtyumeke paurāṇikāḥ [ āhuḥ ] | yathā sāvitryupākhyāne ( 3|