Mahabharata p82

p82

[Fol. 64a] (19) [kṛṣṇā]⁶dāvapi iva-śabdo'nuvartanīyaḥ | tena kṛṣṇam iva, dhyāyato'pi kadācinnidrayā tamasaṃḥ samudreke tanmayatāpratīteḥ | āyasam iva, nidrāyāmeva sāttvikarājasyām | arkam iva dhyānaviṣayasya caitanyasya sarvaprakāśakatvāt | na pṛthivyāṃ tiṣṭhati na pṛthivyādhāram, vibhutvāt | nāntarikṣe na nabhasi, tatopi mahattvāt | evaṃ samudrasalilādiṣvapi samāno nyāyaḥ || (20) rūpaṃ svarūpam || (21) bārhate bṛhatsāmni | dhruvam avināśi, athavā dhruvaṃ niścitam || (22) apāraṇīyam aparicchedyam | antako'pi tad rūpam eti yamo'pi tatra līyate ityarthaḥ | vināśakāle pralaye | aṇīyarūpam iti chāndaso lopaḥ | kṣuradhārayā iti pañcamyarthe tṛtīyā || (23) pratiṣṭhā ādhāraṃ sthāvarajaṅgamānām | amṛtaṃ muktiḥ | lokate pratyakṣayati viśvamiti lokaḥ | brahma bṛhattvāt | tadyaśaḥ yaśovanirmalatvā[Fol. 64b]t, yaśohetutvādvā | bhūtāni pṛthivyādīni || (24) anāmayam aśanāyāpipāsāśokamohajarāmṛtyukṣaṇārthaṃ ṣaḍḍāmayarahitam | mahat vibhu | udyatā[nugaṃ svā]rthe⁷ taddhitaḥ | vāco vikāraṃ⁸ vigataḥ kāro vyāpāro yasmāt, vākpathātītamityarthaḥ | amṛtā muktāḥ ||