Pramāṇa · Search · About · API

The Great Epic of the Bhārata dynasty 1.82

Bhāratabhāvadīpa 1.82

Language
Sanskrit

1.82.1

dvyaśītitamo'dhyāyaḥ yayātiriti ||

1.82.5

vyajāyata ajanayat ||

1.82.8

prajātā prajārūpeṇa vitatā vallīvat ||

1.82.11

rahite vijane ||

1.82.15

avaham ūḍhavān aham ||

1.82.16

narmayuktaṃ parihāsayuktaṃ vacanam anṛtamapi na hinasti | doṣajanakaṃ na bhavatītyarthaḥ | strīṣu gamyāsu ahamenāṃ na ramaye ityuktiranṛtāpi kṛtā cenna hinasti | dhanetyupalakṣaṇaṃ stryāderapi ||

1.82.17

strīṣvanṛtaṃ na hinasti pratyutatsatyādareṇa tattyāga eva hinastītyāha | pṛṣṭaṃ tviti | sākṣye pṛṣṭaṃ sadasyaiḥ anyathā pravadantaṃ puruṣaṃ patitaṃ yadvadanti tanmithyā | gobrāhmaṇastrīdīnānāthādyarthe kūṭasākṣyasyāpi puṇyahetutvāt | tathā ca hiṃsāhetuḥ satyamapyanṛtameva | ahiṃsāheturanṛtamapi satyameveti bhāvaḥ | prakṛtamāha | ekārthatāyām ekaprayojanatāyāṃ samāhitāyām āvayostvadārādhanarūpe prayojane tulyatvena niścite sati devayānyeva mama bhāryā na śarmiṣṭheti mithyāvadantaṃ tvāmevānṛtaṃ hinastityarthaḥ ||

1.82.19

ekārthatāmeva vyācaṣṭe | samāviti | he rājan etau vivāhai matau buddhāvārūḍhau samau tulyāveva | yadaiva devayānyā tvaṃ manasā vṛtastadaiva mayāpītyarthaḥ | ataḥ yastvaṃ sakhyāḥ patiḥ sa eva cakārānmamāpi patiḥ | etallokaprasiddhyā draḍhayati | samaṃ sahavivāhaṃ sakhyā sahaivetarāsāṃ vivāhaṃ siddhamāhuḥ | dvayoḥ pradeyadravyatvavaraṇīyatvādestulyatvāt | ataḥ me mayā vṛtto'si ṛtuprāptyai yataḥ patirasi ||

1.82.20

rājā tu bhāryāsamatvaṃ dāsīnārhatītyevaṃ matvā prakārāntareṇa tadabhīṣṭaṃ dātuṃ pratijānīte dātavyamiti ||

1.82.21

adhamāt tvadanyavaraṇajādvyabhicārāt ||

1.82.22

nanu tvamapi pitrā dattena dhanena dharmaṃ carantīṃ gatiṃ prāpnuhi kiṃ santatyetyāśaṅkyāha | traya iti ||

1.82.23

bhujiṣyā devayānyā bhuktaṃ tvām icchantīti yogāt dāsī ||

1.82.24

bhujiṣyā tvamasyāstathyamiti abhijajñivān | abhitaḥ sākalyena jñātavān dharme ṛtudānena arttatrāṇam ||

1.82.27

prajajñe prajanitavatī ||

Linked texts (1)