The Great Epic of the Bhārata dynasty 1.82.17

Bhāratabhāvadīpa 1.82.17

Language: Sanskrit

1.82.17

strīṣvanṛtaṃ na hinasti pratyutatsatyādareṇa tattyāga eva hinastītyāha | pṛṣṭaṃ tviti | sākṣye pṛṣṭaṃ sadasyaiḥ anyathā pravadantaṃ puruṣaṃ patitaṃ yadvadanti tanmithyā | gobrāhmaṇastrīdīnānāthādyarthe kūṭasākṣyasyāpi puṇyahetutvāt | tathā ca hiṃsāhetuḥ satyamapyanṛtameva | ahiṃsāheturanṛtamapi satyameveti bhāvaḥ | prakṛtamāha | ekārthatāyām ekaprayojanatāyāṃ samāhitāyām āvayostvadārādhanarūpe prayojane tulyatvena niścite sati devayānyeva mama bhāryā na śarmiṣṭheti mithyāvadantaṃ tvāmevānṛtaṃ hinastityarthaḥ ||

Previous: 1.82.16
Next: 1.82.19
Up: 1.82

Linked texts (1)

Mahābhārata — Vyāsa, Sanskrit