The Great Epic of the Bhārata dynasty 1.89

Bhāratabhāvadīpa 1.89

Language: Sanskrit

1.89.2

svadauhitreṣu natyayogātteṣāṃ stabdhoyamiti dhīrmābhūdityetadarthamapanītatapovidyāgarvatvādvayaḥ śreṣṭhyameva puraskṛtyāha | ahaṃ hi pūrvo vayaseti ||

avādīrityetaddūṣaṇapūrvakaṃ vidyātapasoḥ śraiṣṭhye aṣṭakena stute tatra svānubhūtaṃ vighnaṃ darśayanyayātiruvāca | pratikūlamiti | karmaṇāṃ puṇyānāṃ pratikūlaṃ nāśakaṃ pāpaṃ garvastaccāpravaṇe'namre darpavati vartate | pāpalokyaṃ narakapradam | etatpāpam asatāṃ sambandhisanto nānuvartanta idānīmapi | kiṃ ca prāñco'pi santo yathaiṣāṃ karmaṇāmanukūlā upabṛṃhakāḥ syustathā tena prakāreṇa dambhadarpādirāhityena āsan | ahantvatadvidhatvātsvargādindreṇa cyāvita ityāśayaḥ ||

1.89.5

abhūddhanaṃ me vipulaṃ gataṃ taditi | taddambhādirāhityena prasiddhaṃ dhanaṃ puṇyaṃ me mama vipulaṃ yadabhūttadgataṃ naṣṭaṃ darpādityarthaḥ | punaridānīṃ tacceṣṭamāno'pi tatpunarnādhigantā'smi | evaṃ pradhārya māmikāṃ gatiṃ jñātvā dhīro dhiyamīrayan dhīdoṣeṇa kāmādinā'nabhibhūto bhavedityarthaḥ ||

1.89.6

vītamoho mānamakurvan ||

1.89.7

etadevāha | na jātviti | dhanena tapasā | tarhi tvameva kutohaṅkāraṃ kṛtavānityata āha | nāneti | jīvaloke'smin jīvā nānābhāvāḥ | pṛthaksvabhāvāḥ | keciddharmarucayaḥ | kecidviparītāḥ | yato daivādhīnāḥ | ata eva naṣṭā vṛthābhūtā ceṣṭā udyogaḥ adhikāro yogyatā ca yeṣāṃ te tathā | mūḍhānāṃ puṇye paṇḍitānāṃ pāpe ca pravṛttikaraṃ daivameva balavadityarthaḥ | evaṃ vidvāṃstattatprāpya na vihanyeta | tattatsukhaṃ duḥkhaṃ vā prāpya na vihanyeta harṣaviṣādābhyāmātmānaṃ na hiṃsyādityarthaḥ ||

1.89.8

etadeva vivṛṇoti sukhaṃ hīti dvābhyām ||

1.89.10

bhayaṃ tu te vyetu viṣādamohāviti yadaṣṭakenoktaṃ tatrottaramāha bhaye iti | dhātā diṣṭam ||

1.89.11

ahabhivānye'pi diṣṭādhīnā evetyāha | saṃsvedajā iti | ete'pi diṣṭakṣaye puṇyapāpocchede svāṃ prakṛtiṃ paraṃ brahma bhajanti prāpnuvanti | ārohakrameṇa mokṣayogyāṃ yoniṃ prāpyeti śeṣaḥ | yadvā jābālopaniṣadi | avimuktaṃ prakṛtya | atra hi jantoḥ prāṇeṣutkramamāṇeṣu rudrastārakaṃ brahma vyācaṣṭe yenāsāvamṛtī bhūtvā mokṣī bhavatīti jantupadena prāṇimātrasādhāraṇena saṃsvedajādīnāmapi sākṣādvārāṇasyāṃ mokṣādhikāradarśanāt | ātharvaṇe rāmatāpanīye maṇikarṇikāyāṃ vā kṣetre gaṅgāyāṃ vā taṭe punarityupakramya kṛmikīṭakādayopyāśu muktāḥ santu na cānyatheti jantuśabdavivaraṇāccāstu sākṣādeva svedajādīnāmapi diṣṭakṣayastena mokṣayogyāṃ yoniṃ prāpyetyadhyāhāradoṣopyapāstaḥ | atrāpyāśvamedhike saṃvartamaruttīye etaddarśitam | unmattaveṣaṃ bibhratsa caṅkramīti yathāsukham | 'vārāṇasyāṃ mahārāja darśanepyurmaheśvaram | tasyā dvāraṃ samāsādya nyasethāḥ kuṇapaṃ kvacit | taṃ dṛṣṭvā yo 'nivarteta sa saṃvarto mahīpate' | iti kuṇapadarśanena maheśvaradarśanāsiddhiṃ sūcayatā vākyajātena ||

Linked texts (1)

Mahābhārata — Vyāsa, Sanskrit

The Great Epic of the Bhārata dynasty 1.89

1.89.1

1.89.2

1.89.4

1.89.5

1.89.6

1.89.7

1.89.8

1.89.10

1.89.11

1.89.12

1.89.13

1.89.14

1.89.23

Linked texts (1)