The Great Epic of the Bhārata dynasty 16.1.1

Bhāratabhāvadīpa 16.1.1

Language: Sanskrit

16.1.1

evamādiparvaṇi sūtritānāṃ dhamārthakāmamokṣāṇāṃ madhye sabhāvanayoryajñasatyadhṛtigurusattīrthasevanādinā dharmaḥ pratipāditaḥ | virāṭādyaṣṭake sevānītihiṃsānṛtakulakṣayādinārthaḥ śokaprado nirūpitaḥ | dvādaśe'rthaphalabhūtaḥ kāmaḥ sopasargo nirupaplavaṃ ca mokṣapadaṃ nirūpitam | trayodaśāditraye mokṣahetūndānavidyāvanavāsāśca nirūpya ṣoḍaśe dhṛtarāṣṭravadvanamanāśritya kevalamarthakāmasaktāste madirādikalahena vyasanena vinaśyantīti pratipādyate | saptadaśe niṣkāmadharmasya phalaṃ gṛhādestyāgo'ṣṭādaśe tatpūrvikā svargaprāptiśca nirūpayiṣyate | tatra rājyaprātyanantaraṃ ṣaṭtriṃśattame varṣe sarvanāśasūcakānutpātānāha vaiśampāyanaḥ ṣaṭtriṃśa iti ||

Previous: 14.92.45
Next: 16.1.9
Up: 16.1

Linked texts (1)

Mahābhārata — Vyāsa, Sanskrit