The Great Epic of the Bhārata dynasty 3.291.70

Bhāratabhāvadīpa 3.291.70

Language: Sanskrit

3.291.70

jārūthyān triguṇadakṣiṇānityarjunamiśraḥ | jṝvṝbhyāmūthannityuṇādisūtre jarūthaṃ māṃsamiti śābdikāḥ | tadā māṃsamayān māṃsādidānapradhānān puṣṭānityarthaḥ | nirargalān annādyarthināmanāvṛtadvārān | jarūtho'suraviśeṣa iti vedabhāṣyam | 'jarūthaṃ han yakṣi rāye purandhim' iti mantravarṇāt | 'jarūthaṃ garūthaṃ gṛṇāteḥ' iti yāskavacanācca | jarūthaṃ stotram | tathā cāyaṃ mantro niruktabhāṣye vyākhyātaḥ - he'gne tvāṃ purandhiṃ mahāntaṃ samidhānaḥ samyagdīpyan vasiṣṭho muniḥ rāye dhanaprāptaye jarūthaṃ stotraṃ han gamayan yakṣi jayati | atra jarateḥ stutyarthasya śabdasārūpyādarthāvirodhācca jarūthaṃ stotramityucyata iti jārūthyān stotrārhānityarthaḥ ||

Previous: 3.291.66
Next: 3.292.1
Up: 3.291

Linked texts (1)

Mahābhārata — Vyāsa, Sanskrit