The Great Epic of the Bhārata dynasty 7.191.42

7.191.42

khaḍgaṃ carma ca dhārayan bhrāntāditrayodaśavidhaṃ sañcaraṇaṃ darśayāmāseti sambandhaḥ | 'maṇḍalākārataḥ khaḍgabhrāmaṇaṃ bhrāntamucyate || tadeva bāhumudyamya kṛtamudbhrāntamīritam ||1 || bhramaṇaṃ svasya paritaḥ khaḍgasyāviddhamucyate || paraprayuktaśastrasya vāraṇārthamidaṃ trayam ||2 || śatrorākramaṇārthāya gamanaṃ tvāplutaṃ matam || khaḍgasyāgreṇa taddehasparśanaṃ prasṛtaṃ matam ||3 || vañcayitvā ripau śastrapātanaṃ gaditaṃ sṛtam || parivṛttaṃ bhavecchatrorvāmadakṣiṇabhāgataḥ ||4 || paścātpadāpasaraṇaṃ nivṛttaṃ sampracakṣate ||38 || anyonyatāḍanaṃ prāhuḥ sampātamubhayorapi ||5 || ādhikyamātmano yattatsamudīrṇamudīritam || aṅgapratyaṅgadeśeṣu bhrāmaṇaṃ bhārataṃ smṛtam ||6 || vicitrakhaḍgasañcāradarśanaṃ kauśikaṃ smṛtam || nilīya carmāṇa kṣepo yadaseḥ sātvataṃ hi tat' ||7 || ||39 || sambādhe raṇasaṅkaṭe vaitastikāḥ vitastipramāṇāḥ ||