The Great Epic of the Bhārata dynasty 12.191.10
Vulgate (Nīlakaṇṭha's text) 12.191.10
- Language
- Sanskrit
12.191.10
gārhasthyaṃ khalu dvitīyamāśramaṃ vadanti |
tasya samudācāralakṣaṇaṃ sarvamanuvyākhyāsyāmaḥ |
samāvṛttānāṃ sadācārāṇāṃ saha dharmacaryaphalārthināṃ gṛhāśramo vidhīyate |
dharmārthakāmāvāptirhyatra trivargasādhanamapekṣyāgarhitena karmaṇā dhanānyādāya svādhyāyopalabdhaprakarṣeṇa vā brahmarṣinirmitena vā adrisāragatena vā |
havyakavyaniyamābhyāsadaivataprasādopalabdhena vā dhanena gṛhastho gārhasthyaṃ vartayet |
taddhi sarvāśramāṇāṃ mūlamudāharanti |
gurukulanivāsinaḥ parivrājakā ye cānye saṅkalpitavrataniyamadharmānuṣṭhāyinasteṣāmapyata eva bhikṣābalisaṃvibhāgāḥ pravartante ||
Other recensions (1)
- Mahābhārata — Vyāsa, Sanskrit
Linked texts (1)
- Nāradapurāṇa — Vyāsa, Sanskrit