Harishcandrakhyayika 3.14

3.14

athainamuvāca—"varuṇaṃ rājānamupadhāva, putro me jāyatāṃ, tena tvā yajā iti"
'tatheti' sa varuṇaṃ rājānamupasasāra—'putro me jāyatāṃ, tena tvā yajā iti'| 'tatheti' tasya putro jajñe rohito nāma
taṃ hovāca—'ajani vai te putro, yajasva māṅganeneti'| sa hovāca—'yadā vai paśurnirdaśo bhavatyatha sa medhyo bhavati, nirdaśo janyastvatha tvā yajā iti'| 'tatheti'
sa ha nirdeśa āsa| taṃ hovāca—'nirdaśo'nvabhūd, yajasva māṅganeneti'| sa hovāca—'yadā vai paśordantā jāyante'tha sa medhyo bhavati| dantānvasya jāyantāmatha tvā yajā iti'| 'tatheti'
tasya ha dantā jajñire| taṃ hovāca—'ajāta vā asya dantāḥ, yajasva mārḍneneti|' sa hovāca—'yadā vai paśordantāḥ padyante'tha sa medhyo bhavati| dantā nvasya padyantāmatha tvā yajā iti|' 'tatheti'
tasya ha dantāḥ pedire| taṃ hovāca—'apatsata vā asya dantāḥ, yajasva mārḍneneti|' sa hovāca—'yadā vai paśordantāḥ
punarjāyante'tha sa medhyo bhavati | dantā asya punarjāyantāmatha tvā yajā iti' | 'tatheti'
tasya ha dantāḥ punarjajñire | taṃ hovāca—'ajñata vā asya punardantāḥ, yajasva māneneti |' sa hovāca—'yadā vai kṣatriyaḥ sāṃnāhuko bhavatyatha sa medhyo bhavati | saṃnāhaṃ nu prāpnotyatha tvā yajā iti |' 'tatheti'
sa ha saṃnāhaṃ prāpat | taṃ hovāca—'saṃnāhaṃ nu prāpnodyajasva mā'neneti |' sa 'tatheti' uktvā putramāmantrayāmāsa—'tata, ayaṃ vai mahyaṃ tvāmadadād, hanta tvā'hamimaṃ yajā iti |'
sa ha netyuktvā dhanurādāyāraṇyamupātasthau | sa saṃvatsaramaraṇye cacāra